DILI, 10 maiu 2024 (TATOLI)- Santa Sé anúnsia logótipu no lema ofisiál hosi vizita Apostólika Santu Padre, Papa Francisco, mai Timor-Leste.
Tuir nota ne’ebé Agência TATOLI, I.P asesu katak iha publikasaun, ida-ne’e Santa Sé esplika katak: “logotipu ida ne’e tau imajen papa Francisco fó bensa hela iha klaran, hodi simboliza protesaun ne’ebé povu timoroan simu husi Maromak durante Viajen Apostólika Santu Padre nian”.
Notísia relevante: Igreja Timor hili tema “A vossa fé seja a vossa Cultura” durante vizita Amu Papa
Enkuantu, Iha imajen kotuk papa Francisco nian, “iha globu mundu nian, ho mapa jeografia Timor-Leste nian iha oin.
Lema ne’ebé hili ba Vizita Papa: “Atu imi-nia fiar sai imi-nia kultura”, ne’e nu’udar ezortasaun no enkorajamentu atu moris iha fi’ar ida ne’ebé armonia ho kultura, tuir tradisaun sira povu timoroan nian.
“Ita hein ho espetativa boot, Vizita Apostólika Sua Santidade Papa Francisco nian, hosi loron 9 to’o loron 11 fulan-setembru tinan 2024, nu’udar momentu istóriku ida ba ita-nia nasaun”, refere nota ne’e
Komisaun Organizadora Governamentál ba vizita Sua Santidade Papa nian mai Timor–Leste kontinua serbisu makas iha preparasaun no organizasaun ba eventu ida-ne’e atu garante ninia susesu.
Logótipu ho Lema Vizita Amu Papa
Entretantu, Sala imprensa Vátikanu fó sai logótipu no lema kona-ba viajen Amu Papa nian bá iha Indonézia, Papua Nova Guine, Singapura no Timor-Leste ne’ebé komesa entre loron 2 to’o 13 setembru 2024.
\Imajen/EspesiálVizita dahuluk Amu Papa nian ba Jakarta-Indonézia iha loron 3 Setembru to’o loron 6 Setembru.
Logo ba vizita ida ne’e mak Papa ho hi’it liman abensoadu, hamri’ik iha “Garuda” oin, águia sagrada ne’ebé hasai ho maneira ida atu hanoin kapolana tradisionál “Batik” Indonézia nian.
Iha mapa Indonézia nian, arkipelagu karaterizadu ho variedade bo’ot ida ho grupu etniku no sosiál, lingua, kultura no fiar relijiozu.
Iha viajen apostolika ne’e iha nia lema “fé fraternidade no kompaixaun”.
Papua Nova Guine: “Hanorin ita atu reza”
Amu Papa sei ba iha Papua Nova Guine no hala’o nia vizita durante loron 6 to’o loron 9 Setembru.
Pesa sentrál ba vizita ida ne’e ho logotipu mak kruz ne’ebé reprezenta ho kores loronmatan mosu no monu iha Papu Nova Guine nian. Iha kruz bele hare Manu iha Lalehan simboliza Papua Nova Guine. Lema ba viajen Apostólika ida ne’e mak “Reza” inspira hosi pedidu Jesus nian ba Nia disipulu sira. “Na’in, hanorin ami orar”, (Luc, 11.1).
Timor-Leste ho való r inkulturasaun
Hosi Papua Nova Guine, Papa Francisco sei vizita Timor-Leste ne’ebé sei hela to’o loron 09 to’o 11 Setembru.
Sala imprensa Vatikanu nian fó sai sentru logotipu ba viajen ida ne’e, hare Amu Papa ho hi’it liman hodi abensoa. Iha amu Papa nia kotuk iha Globu ne’ebé tau mapa Timor-Leste. Iha leten, hakerek iha arku ho lema vizita papal “O nia fiar sai o nia kultura” ne’ebé sai hanesan ezortasaun ba povu timorense hodi moris tuir nia fiar kultura no tradisaun sira.
Singapura: esperansa ba sarani sira iha rejiaun
Parajen ikus ba vizita Papa nian iha nasaun insular Singapura ne’ebé sei hala’o iha loron 11 to’o 13 Setembru.
Logótipu ba vizita Apostólika reprezenta kruz ida estilazada, inspirada ho fulan ne’ebé enkamiña liurai Magos, iha eukarístia no fitun lima ho bandeira Singapura.
Iha vizita ida ne’e Vatikanu fó sai lema viajen Apostólika nian katak parte rua ne’e nia sorin kruz ne’e “Unidade no esperansa”.
“Unidade” expresa komuñaun no armónia entre sarania sira, iha igreja laran hanesan mós iha kontestu sosiedade no relasaun familiár. “Esperansa” entretantu, sujere viajen Apostólika sei sai valór esperansa ba sarani sira iha rejiaun, espesiálmente ba sira terus diskriminasaun no perseguisaun.
Notísia relevante: Governu kontinua halo preparasaun hodi simu vizita Amu Papa
Jornalista: Jesuína Xavier
Editór: Florencio Miranda Ximenes
