DILI, 24 jullu 2024 (TATOLI)– Prezidente Repúblika, José Ramos Horta, husu ba Agência Notisiosa Timor-Leste, Institutu Públiku (TATOLI,IP), tenke hala’o servisu jornalizmu ho imparsiál hodi divulga informasaun ho kualidade ba ema hotu.
“Tinan sira mai oin ne’e profisionál liu iha imi nia dedikasaun, servisu ho imparsialidade, labele monu ba partidarizasaun. Kontinua nune’e ba oin, parabéns ba imi hotu ne’ebé servisu iha TATOLI, hakuak boot ba imi hotu,” Xefe Estadu hato’o ba Agência TATOLI, iha Palásiu Prezidensiál Dili, kuarta ne’e.
Xefe Estadu hato’o mensajen ne’e realsiona ho aniversáriu TATOLI, I.P ba dala-ualu ne’ebé sei selebra iha loron 27 Jullu.
Notisia relevante:Taur husu TATOLI tenke mellora servisu jornalizmu hodi kontribui ba dezenvolvimentu
Rekorda fali katak, iha tinan ualu ba kotuk kriasaun Agência Tatoli bazeia ba Dekretu-Lei númeru 21/2017, 24 Maiu, hanesan ema koletiva ne’ebé iha direitu públiku ho natureza institutu públiku.
Ajénsia Estadu ne’e hetan aprovasaun iha reuniaun Konsellu Ministru no públika iha Jornál Repúblika iha loron 14 Marsu 2016, nu’udar embriaun ho naran ANTIL ne’ebé lansa iha 27 jullu 2016.
Ezisténsia Agência TATOLI mak sai fontes informasaun ofisiál Estadu Timor-Leste ne’ebé iha kapasidade no kbit elabora informasaun ba públiku iha eskala nasionál, rejionál no internasionál.
Vizaun no misaun TATOLI,I.P
Vizaun
Sai “trend –setter” fontes notísia no informasaun nasionál ne’ebé iha kualidade, krédivel no nesesitadu husi públiku utilizadór informasaun.
Misaun
- Fornese produtu notísia ne’ebé mak públiku utilizadór informasaun jerelmente presiza.
- Atende nesesidade informasaun públiku utilizadór informasaun ho karakter antesedente, indepth, klasifikadu no “taylor-made information” no self users assigment.
- Sai produtór no jestór informasaun no dokumentasaun nasaun.
- Sai produtór filme no dokumentasaun nasaun.
- Sai organizadora funsaun “ information clearing house”.
- Sai órgaun opiniaun públiku .
- Hala’o funsaun instituisaun peskiza no dezenvolvimentu komunikasaun aplikada.
- Sai “state public relations”.
- “State agent of information”.
- “ Flag carrier” Timor-Leste nian.
- Realizadór fórum informasaun públiku.
Objetivu
Estabelese ajénsia Estadu Timor-Leste mak sai fóntes informasaun ofisiál Estadu Timor-Leste ne’ebé iha kapasidade no kbiit elabora produtu informasaun no notísia ne’ebé nesesita husi públiku utilizadór informasaun iha eskala nasionál, rejionál no internasionál.
Nu’udar implementadór konstituisaun ne’ebé sai dever governu nian atu fó servisu oferesimentu informasaun ne’ebé kredivel no loos nomós sai direitu informasaun sosiedade Timor-Leste ne’ebé garantidu husi artigu 40 no 41 konstituisaun Timor-Leste nian.
Nu’udar instituisaun komunikasaun informasaun, Ajénsia TATOLI.IP la’ós de’it sai produtór informasaun maibé mós bele iha papél nu’udar “National infórmation clearing house” ne’ebé iha tarefa fó klarifikasaun no informasaun serteza, halakon misinformasaun no disinformasaun. Bele sai nu’udar “área istória” no “eskritór istória” pátria, nasaun, sosiedade no mós nu’udar “maklibur no fornesedór informasaun públiku”.
Ajénsia notisioza TATOLI.IP nu’udar padraun minimál kompeténsia jornalístika ba jornalista Timor-Leste ne’ebé sempre bele produz produtu informasaun-kareira jornalístika ne’ebé iha kualidade tuir dinámika sosiál no nesesidade informasaun sosiedade nian.
Fenómena no dinámika sosiál” ho “dinámika komunikasaun” ne’ebé estimula ho dezenvolvimentu teknolojia komunikasaun-informasaun lori konsekuénsia iha Timor-Leste ho paradigma nesesidade informasaun públiku iha ne’ebé TATOLI nu’udar ajénsia notísia nasionál Timor-Leste ne’ebé la’ós de’it ezije atu bele fornese pakote informasaun iha kontextu “mainstream” maibé iha futuru bele mós obrigadu produz informasaun alternativa ho karakter “taylor made” ne’ebé propoen husi utilizadór informasaun determinada.
Notisia relevante:Ajénsia TATOLI tenke servisu profisionál hodi atende ema hotu ho notísia kualidade
Jornalista: Hortencio Sanchez
Editór: Florencio Miranda Ximenes
