DILI, 07 Agostu 2025 (TATOLI) – Ministériu Saúde (MS) presiza aumenta médiku iha postu saúde iha suku Ferik Sare, postu administrativu Alas, munisípiu Manufahi, tanba sei falta profisionál saúde iha fatin ne’e.
Deputadu husi Partidu Demokrátiku (PD), Manuel Henrinque Noronha, dehan bainhira halo kontaktu eleitorál iha suku referidu, rona preokupsaun komunidade nia katak iha postu ne’e iha de’it mediku na’in-ida no pesoál limpeza ida.
Maibé suku ne’e iha populasaun besik rihun 3.000 mak asesu bá iha instalasaun saúde ne’e no kada loron atende populasaun menus husi ema na’in-25.
Reprezentante povu ne’e mós husu ba Ministériu Saúde atu tau mós iha planu no prioridade hodi konstrui tan sala maternidade ida.
Jornalista: Nelson de Sousa
Editora: Maria Auxiliadora
