DILI, 19 Novembru 2025 (TATOLI) – Proposta Orsamentu Jerál Estadu (OJE) 2026 ba Tribunál, Prokuradoria Jerál Repúblika (PJR) no Defensória Públika aprovadu iha dikusaun espesialidade iha Parlamentu Nasionál (PN).
Proposta orsamentu ba Tribunál ho montante $8.174.725 ne’ebé aprova ho votu a favór 42, kontra rua no abstensaun 21. Orsamentu ne’e aloka ba saláriu no vensimentu $5.556.002, bens no serbisu $1.362.723, kapitál menór rihun $790, no kapitál dezenvolvimentu rihun $466.
Tribunál iha nia Programa Aprosima Serbisu Tribunál ba Populasaun, ne’ebé hetan alokasaun $6.881.709, Programa Asesu Justisa $92.165, no Programa Funsionamentu no Dezenvolvimentu Instituisionál $1.200.851.
Verba ba Prokuradoria Jerál Repúblika (PJR) ho montante $7.034.119, ne’ebé aprova ho votu a favór 42, kontra ida no abstensaun 22. Orsamentu ne’e aloka ba saláriu no vensimentu $4.853.516, bens no serbisu $1.231.253, kapitál menór $784.750, no kapitál dezenvolvimentu $165.600.
PJR iha nia Programa Asesu ba Justisa ne’ebé prevee $580.926 no Programa Funsionamentu no Dezenvolvimentu Institusionál $6.453.193.
Ba Defensória Públika nia orsamentu hamutuk $3.217.805 ne’ebé aprova ho votu afavór 43, kontra 0 no abstensaun 22. Orsamentu ne’e hodi aloka ba saláriu no vensimentu $1.920.736, bens no serbisu $622.069, kapitál menór rihun $255, no kapitál dezenvolvimentu $450.
Defensoria iha nia Programa Asesu ba Justisa ne’ebé prevee $2.048.800 no Programa Funsionamentu no Dezenvolvimentu Institusionál $1.169.005.
Notísia relevante: PN aprova orsamentu millaun $4.304 ba MPIE
Jornalista: Nelson de Sousa
Editora: Maria Auxiliadora
