KOVALIMA, 05 Maiu 2026 (TATOLI)- Autoridade Munisípiu Kovalima realiza reuniaun hodi orienta ba diretór servisu Munisipál atu elobora Planu Asaun Anuál (PAA) ba 2027, tuir template foun.
“Autoridade Kovalima realiza enkontru ida-ne’e, hodi bele fó orientasaun servisu ba diretór servisu Munisipál sira bele ensera sira nia indikadór, atividade no orsamentu iha Planu Asaun Anuál (PAA) 2027 ho template ne’ebé foun”, Prezidenten Autoridade Kovalima interinu Alberto Moniz de Araújo, hato’o hafoin abertura enkontru iha salaun AMC.
Autoridade Kovalima realiza reuniaun tanba iha mudansa template foun husi Ministériu Administrasaun Estatal (MAE) elabora PAA 2027.
Razaun template foun tanba template antes ne’e submete ona ho nia indikadór hitu no atividade lubuk ida tanba iha mudansa ba template foun husi MAE mak hanesan aumenta narativu husi narativu 7 ba ona 10-resin tuir atividade objetivu Dezenvolmentu Sustentável, meta, sub programa, programa no atividade ne’ebé mak presiza sita.
Prosesu hafoin finaliza fó orientasaun no elabora PAA tanba loron ikus atu submete iha loron 7 Maiu 2026 ba nasionál hafoin sei lori ba iha konsellu koordenasaun submete ba nasionál fila mai aprezenta fali iha reuniuan konsellu konsultivu Munisipál hodi halo pareser husi membru KKM kona-bá PAA 2027.
Fó hanoin fali katak Parlamentu Nasionál aprova orsamentu Jerál Estadu 2026 mai iha Kovalima hamutuk $ 9,517.979 ne’ebé preve ba saláriu no vensimentu $ 2,203.227, sasan no servisu $ 841.730,tranferensia pùblika $ 4.961.588 kapitál menór rihun $ 300 no kapitál Dezenvolmentu $ 2.111.464.
Jornalista:Celestina Teles
Editór: Florencio Miranda Ximenes
