DILI, 10 jullu 2022 (TATOLI)— Prezidente Partidu Demokrátiku, Mariano Sabino “Asanami”, konsidera partidu kiik ka boot la importante, maibé importante liu mak sentidu responsabilidade hodi serbí Estadu iha kualkér momentu.
“Ita harii Partidu Demokrátiku tanba úniku partidu ne’ebé nia naran ne’e ho vizaun Estadu nian hanesan no preokupasaun eroi sira-ne’ebé hakarak proklama Repúblika Demoktrátiku Timor-Leste, tanba ne’e mak tinan 21 ita atu reflete katak oinsá ita sai jerasaun kontinuadór,” Assanami ko’alia iha ámbitu konferénsia dahaat PD nian iha Delta Nova, Dili, domingu ne’e.
PD nu’udar jerasaun kontinuadór la’os tanba joven maibé kontinuadór katak prinsípiu ne’ebé mak eroi sira rai hela kontinua luta ba dezenvolvimentu.
“Ha’u husu nafatin ba imi hotu katak, tane nafatin ita-ni aan, partidu atu boot ka kiik ida-ne’e la’os importante maibé importante mak serbí nasaun ida- ne’e,” nia tenik.
Prezidente Repúblika (PR), José Manuel Ramos Horta, husu Partidu Demokrátiku (PD) nu’udar partidu jerasaun forte nafatin kontinua serbí nasaun.
Xefe Estadu ne’e dehan, PD nu’udar partidu jerasaun foun no partidu ida- ne’ebé iha ona esperiénsia tinan 20 hanesan iha esperiénsia ba lejizlativu, governasaun no diplomátika, tanba ne’e hakarak haree partidu ida-ne’e forte nafatin serbí nasaun ne’e ba oin.
“Ha’u mai marka prezensa konferénsia nasionál PD nian ida-ne’e, atu fó korajen fó forsa ba sira hodi serbí rai ida-ne’e ho di’ak, ha’u-nia esperansa boot ba PD mak kontinua nafatin luta tanba ami jerasuan 1975 halo esforsu ikus liu hametin demokrasia no imi tenke luta hametin ita-nia ekonómia,” Ramos Horta, hateten, hafoin partisipa konferénsia nasionál PD ba dahaat iha salaun Delta Nova, domingu ne’e.
Xefe Estadu enkoraja estrutura Partidu Demokrátiku atu envolve mós igualdade jéneru partisipa iha polítika.
“Ha’u husu mós ba PD nu’udar jerasaun foun tenke envolve mós feto barak iha partidu nia laran, ideál mak 50% mane no 50% feto,” nia dehan.
Nune’e mós husu PD halo preparasaun másima hasoru eleisaun Parlamentár 2023.
“Nune’e ba eleisaun 2023, ha’u husu ba PD nu’udar jerasaun foun serbisu maka’as tenke hetan kadeira lima, liu ida- ne’e di’akliu,” Xefe estadu enkoraja.
Prezidente Partidu Demokrátiku, Mariano Sabino “Asanami”, husu ba estrutura no militante PD nian kaer metin nafatin prinsípiu PD nian, hadomi ema hotu ho hanoin ida de’it nune’e kontribui ba rai ida-ne’e ho di’ak.
“Ita harii Partidu Demokrátiku tanba úniku partidu ne’ebé nia naran ne’e ho vizaun Estadu nian hanesan no preokupasaun eroi sira-ne’ebé hakarak proklama Repúblika Demoktrátiku Timor-Leste, tanba ne’e mak tinan 21 ita atu reflete katak oinsá ita sai jerasaun kontinuadór,” nia dehan.
PD nu’udar jerasaun kontinuadór la’os tanba joven maibé kontinuadór katak prinsípiu ne’ebé mak eroi sira rai hela kontinua luta ba dezenvolvimentu.
“Ha’u husu nafatin ba imi hotu katak, tane nafatin ita-ni aan, partidu atu boot ka kiik ida-ne’e la’os importante maibé importante mak serbí nasaun ida-ne’e,” nia tenik.
Jornalista : Arminda fonseca
Editór : Evaristo Soares Martins
