DILI, 19 Setembru 2025 (TATOLI)—Empreza Karisma finaliza ona konstusaun “Halte” 10 iha sidade Dili iha iha 27 Agostu 2025 ne’e no sei entrega másimu ba Ministériu Transporte Komunikasaun iha Novembru 2025.
Notísia Relevante: Empreza Carisma konstrui “Halte” 10 iha Dili atinje ona 96%
Jestór Empreza Carisma, Felizito de Sousa Araujo Chang, hateten progresu kona-ba konstrusaun “Halte” ne’e finaliza hotu hafoin konstrui ikus iha área rentál Silvia Komoro hodi atinje ba 100%.
“Ami prepara halo ona termu entrega no dezeñu sira iha terrenu nian, nune’e atu ba entrega iha Ministériu Transporte Komunikasaun atu Diretór sira iha Diresaun Transporte Terreste hodi asina,” Jestór ne’e informa ba Agência Tatoli liuhusi telefónika, ohin.
Tanba, nai dehan, agora daudaun prosesu konstrusaun nian finaliza tiha ona no sira esforsu atu iha semana ida-ne’e nia laran hodi entrega ona ba ministériu relevante, entaun prosesu konkursu públiku ba kontratór sira-ne’e.
Bainhira konstrusaun ramata ona maibé sei kontinua halo manutensaun ba projetu ne’e durante fulan tolu hodi haree fali, karik “halte” ne’e hetan estragu ka halo foer husi komunidade entaun empreza sei toma responsabilidade nafatin hodi halo manutensaun.
“Kuandu tinta malahuk ona, ami pinta no hamoos fila-fali maibé bainhira to’o tempu ami entrega retensaun ona ne’e, ministéria mak sei iha ona kompeténsia tomak hodi jere. Tuir planu, iha Novembru nia laran ne’e mak ami sei entrega na Governu,” nia esplika.
Nune’e, nia dehan, prosesu tuir mai ministériu rasik mak sei destaka ema ruma hodi tau-matan ba Halte ne’e.
Aleinde ne’e, iha oportunidade ne’e, nia mós relata kona-ba difikuldade ne’e durante kompañia implementa projetu ne’e iha terrenu define barak tebes no ninia impaktu ne’e boot, tanba laiha komprensaun hanesan balun dehan manipulasaun ba projetu ho montante boot.
Buats eluk, nia hateten, liña ministeriál balun sobu halte ne’e sira konstrui ona iha área Timor-Plaza no tuir tarjetu dezeñu halte balun iha área Kuluhun inklui Bekora mós kansela tanba prosesu alargamentu estrada.
“Entaun, ne’e fó impedimentu ba prosesu konstrusaun hodi hamosu servisu ne’e la’o tarde aleinde ne’e impaktu seluk mós kona-ba naran iha halte nian ne’e “Abrigos de Omnibus“, tanba antes ne’e públiku kestiona la apar ho situasaun, nune’e ami-nia servisu mós tenke adianta tanba tenke rona orden husi ministériu,” nia hatutan.
Nia énfaze, maibé ikus liafuan ne kompañia nafatin implementa no bainhira sira entrega ona ba parte kompeténsia no ministériu rasik sei haree fali Orsamentu Jerál Estadu (OJE) 2026 hodi modifika fali naran iha halte ne’e rasik.
Lembra katak konstrusaun “Halte” 10 de’it no kada Halte ida ho montante $96.000.00.
Jornalista : Alexandra da Costa
Editór : Cancio Ximenes
