DILI, 05 juñu 2023 (TATOLI) – Juventude hosi Suku Taz-hilin Postu Administrativu Zumalai Munisípiu Covalima la satisfaz no kestiona makas Xefe Suku Taz-hilin, Martinho Magno tanba la neutru hodi halo atuasaun ba problema entre juventude sira iha suku.
“Ami juventude hosi Munisípiu Covalima, Postu Administrativu Zumalai, Suku Taz-hilin Aldeia Baura-ikun ho Basana, hato’o ami-nia lamentasaun relasiona ho problema ne’ebé akontese iha ami-nia Suku Taz-hilin, iha loron, 29 maiu foin lalais (segunda kalan) mais ou menus tuku: 9:11 otl, iha akontesimentu ne’e, xefe suku la neutru hodi halo atuasaun ba problema ne’e”, Portavoz Juventude Munisípiu Covalima Amaro de Araujo, dehan liuhosi konferénsia imprensa ne’ebé hala’o iha Bairro Pite Dili, ohin.
Ho akontesementu ne’e, hanesan juventude kestiona ho kapasidade lideransa komunitaria xefe suku Taz-hilin, ne’ebé la neutru tanba durante problema ne’ebé akontese iha Suku Taz-hilin Aldeia Galitas, lider komunitáriu ne’e la hato’o deklarasaun ruma ba parte kompetente hodi halo atuasaun.
Maibé xefe suku hamutuk ho juventude parte sorin hodi fó sala fali joven parte sorin, xefe suku rasik la komunika ba autoridade seguransa atu halo atuasaun.
“Ami kondena Martinho Magno hanesan Xefe Suku ka lideransa komitáriu, ne’ebé la neutru iha ami joven sira nia le’et, tanba ne’e, ami lamenta tebtebes ho deklarasaun ne’ebé mak xefe suku hato’o ba media ne’e la justu ka laloos, tanba la konta kronolojia akontesimentu hosi problema ho los, tamba ami konsidera akontesimentu ne’e iha asaun mak iha reasaun”, portavoz dehan.
Nia konta, kauza hosi problema refere mak asaun provokativu lubuk ida ne’ebé joven hosi parte Taz-hilin ho galitas halo mak hanesan tuir mai.
1. Halo ameasa no impede ema hotu nia movimentu iha dalan públiku parte jalan toll.
2. Iha loron 23 maiu 2023, ami-nia família ho naran Jacinto Guterres hanesan ema moras defisiénsia hetan sona iha parte kidun husi aldeia galitas.
3. Iha loron 25 de maiu 2023 ami família matebian hosi aldeia Baura-ikun ba hakoi mate isin iha semitériu parte Galitas, ami-nia motorizada lima para iha dalan ninia hetan estragu.
4. Iha loton 29 maiu de 2023 família hosi Sr. Paulo de araujo hetan asaltu iha nia rezidénsia, husi joven parte Taz-hilin ho galitas.
“Aktus provokasaun hirak ne’e mak hosi parte joven Galitas ho Taz-hilin halo bebeik, hasoru ami”, nia konklui.
Kronolojia hosi akontesimentu
Kronologia lolos husi akontesimentu sira hanesan, iha loron segunda 29 maiu 2023 iha kalan tuku 9:11 otl, iha momentu ne’eba Sr. Paulo de Araujo ho nia família husik hela uma mamuk, ba hader mate uma iha aldeia Bauraikun joven sira hosi Galitas tama hodi estraga total vitima Paulo nia sasan uma laran.
Relasiona ho situasaun ne’ebé akontese bebeik iha Taz-hilin, juventude husu ba parte kompetente hanesan,
1. Segurancsa komandante Munisípiu Covalima ho Komandante Esquadra Postu Zumalai atu uja kapasidade ho profesional iha atusaun, atu buka tuir jovem sira ne’ebé sempre halo asaun provokativu ka grupo bandalismo ne’ebe lakoi halo ema moris lao ho livre.
2. Ami husu ba autoridade lokal sira tenki servisu ho neoutru iha ami sosiedade nia leet.
3. Ami husu ba lider artemarsiais hotu-hotu atu fo hatene ba membru artemarsiais sira kria paz no estabilidade iha suku Taz-hilin.
4. Ami mós sente lamentavel ho publikasun produtu jornalsita RTTL, EP Covalima ne’ebé publika notisia laiha balansu tanba ne’e hakarak husu redasaun atu orintea nia jornalsita sira servisu ho profesional liliu iha publikasaun sira tenki balansu.
Jornalista: Hortencio Sanchez
Editór : Zezito Silva
