COVALIMA, 27 janeiru 2023 (TATOLI)–Prezidente Konsellu Veteranu Covalima, Osorio Soares “Mausoko” hateten, konselu veteranu adia avaliasaun hodi válida dadus kandidatu veteranu rejistadu iha tinan 2009.
Notísia Relevante: Riak Leman monitoriza ekipa verifikasaun dadus kandidatu veteranu iha Covalima
“Ha’u simu orden hosi komisáriu Nasionál Covalima Francisco Doutel Sarmento “Lamesak” katak fula- janeiru nia rohan sekretáriu zona hitu, konsellu na’in-rua ami na’in-13 hamutuk atu halo avaliasaun. Ohin-dadeer ha’u simu kontaktu hosi sekretáriu estadu sei adia hikas atu halo avaliasaun dadus,” Osorio Soares “Mausoko” hateten ba Agência Tatoli, iha nia kna’ar fatin, Tabakolot, sesta ne’e.
Konsellu veteran Covalima hein desizaun hosi nasionál bainhira simu orientasaun hosi nasionál sekretáriu zona hitu (7) hamutuk ema na’in-12 sei ba Dili, atu halo validasaun dadus iha territóriu nasionál.
Kandidatu veteranu sira atu pasa la pasa ne’e depende tanba foin lalais sira nai ko’alia kona-ba sira-nia prosesu funu ne’ebé durante kandidatu veteranu sira hala’o no hato’o ba ekipa verifikasaun dadus iha terrenu.
Maaske adia loron ba validasaun ba dadus veteran rejistadu 2009 maibe fulan-janeiru nia rohon ne’e no atu tama fulan-fevereiru sei hahó halo avaliasaun dadus kandida veteranu ne’ebe rejistadu iha tinan 2009.
Bazea rezultadu verifikasaun hosi komisaun verifikadór sira, dadus kandidatu veteranu hosi munisípiu Covalima ne’e iha dadus ne’ebé valido hamutuk 9.931, pendente 958, mate 2,743 no moris 7,188.
Notísia Relevante: Verifikasaun dadus veteranu rejistadu 2009, falta Railaco mak seidauk konklui
Jornalista : Celestina Teles
Editór : Cancio Ximenes
