DILI, 28 agostu 2022 (TATOLI)—Papa Fransisco, sábadu 27 agostu) ne’e, ofisilamente hala’o konsultóriu ordináriu públiku (investidura) ba bispu na-in-21 inklui Arsebispu Arkidioseze Metropolitana Dili, Don Virgílio do Carmo da Silva, SDB, sai kardeál dahuluk ba Timor-Leste.
Notísia Relevante: “Don Virgílio sai Kardeál tanba grasa Maromak nian”
Kardeál sira-ne’e, simu investidura hosi Papa Fransisco hodi fó kadeli kardinalísiu no halo sira nia juramentu no koloka barrete (chapeu com 3 ou 4 pontas) iha sira nia ulun, no chapéu (barrete) ne’e hola parte iha vestimenta litúrjika nu’udar sinál dignidade kardinalatu ho nia signifikadu hala’o misaun Jesus Kristu nian ho korajen no barani fakar nia raan hodi tane nafatin fé kristaun no doutrina sira hodi “sai roman ba sarani tomak maromak nian”.
Papa Fransisco husu ba kardeál sira atu servisu maka’as hodi ajuda Papa no sai roman ba sarani tomak maromak nian.
“Ita reza atu kardeál foun sira tulun ha’u iha ha’u-nia misaun nu’udar Bispu Roma nian ba povu tomak Maromak nian,” Papa Fracncisco hato’o ninia mensajen liuhosi komunikadu imprensa ne’ebé Agência TATOLI asesu liuhosi mídia Palásiu Prezidensiál, domingu ne’e.
Papa haraik ba sira ida-idak titulu kardeál no hahú iha momentu ne’e mak kardeál sira sei bolu ho títulu apelativu sua Eminência Reverendísima.
Hosi pontu de vista jeográtiku, Kardeál sira-ne’ebé iha mai hosi kontinente, etimolojia no evoluaaun istórika liafuan kardeál ne’e mai hosi lian latin “Cardo” ho lian portugués karik hanaran “cerneira” ne’ebé sai hanesan sentru ba rotasaun ka sai hanesan pontu sentrál ba akordu ida.
Kardeál na’in-21 ne’e kompostu hosi kardeál foun na’in-ualu (8) hosi Europa, na’in-neen (6) hosi Ázia, rua (2) hosi Áfrika, ida (1) hosi Amérika Norte, haat (4) hosi Amérika Sentrál no Latina Amérika nian.
Serimónia investidura ne’ebé hala’o iha Basilika São Pedro Vátikanu Roma, ne’e partisipa direta hosi lider mundiál balun no Timor-Leste nian reprezenta hosi Enviadu Espesiál Extraordináriu Prezidente Repúlika, Kay Rala Xanana Gusmão, reprezentante Governui, reprezentante Parlamentu Nasionál, padre, madre no sarani rihun hosi nasaun oioin.
Hosi kardeál 21 ne’e iha, na-in-16 mak idade menus ualu-nulu (80) no sira mak sai nu’udár kardeál eleitór ba eventuál konklave. Prosesu nomeasaun ne’e tuir evolusaun istórika ho natureza juríka Kardeál sira sei hala’o sira-nia funsaun atu hamutuk ho papa hodi hala’o servisu Uma Kreda nian hodi serbi sarani no igreja Katólika.
Notísia Relevante: Igreja-Governu konvida Xefe Estadu partisipa misa agradesimentu ba kardeál foun
Jornalista : Nelson de Sousa
Editór : Cancio Ximenes
