DILI, 23 dezembru 2019 (TATOLI) – Prezidente Repúblika (PR), Francisco Guterres Lú Olo, sei foti férias annuál husi loron 23 dezembru 2019 to’o 13 janeiru 2020.
Tuir komunikadu ne’ebé Agência Tatoli asesu hosi Palásiu Prezidensiál, bazeia ba Lei númeru 7/2007, ne’ebé alteradu ho Lei númeru 7/2017, titulár no membru orgaun soberania sira iha direitu periúdu annuál ba feriadu ho durasaun loron 30 nia laran, ne’ebé akumulada susesivamente sé la uza ho razaun serbisu.
Durante periúdu férias annuál, Xefe Estadu sei hela iha teritóriu nasionál.
Jornalista: Cipriano Colo
Editór: Xisto Freitas
