DILI, 28 jullu 2020 (TATOLI)-Diresaun Nasionál Patrimoniu Lojístika no Téknolojia Ministériu Edukasaun Juventude no Desportu, tersa ne’e distribui ekipamentu prevensaun COVID-19 ba eskola públiku Ensinu Báziku Esperansa da Patria, EBF Aituri-Laran no EBF Taibessi Dili.
“Ami distribui ekipamentu sira hanesan máskara 2.000-resin balde 240 no ekipamentu dezinfektan hamutuk item 15 ba eskola tolu hanesan tolu ne’e,”dehan Diretór Nasionál Patrimoniu Lojístika no Teknolojia, Manuel de Jesus Santos, ba Tatoli iha MEJD Vila-Verde Dili, tersa ne’e.
Notísia Relevante :UNICEF Apoiu Fasilidade Prevensaun COVID-19 ba EESJ 10 Dezembru
Tuir relatóriu EBF Esperansa da Patria Becora hetan máskara 1.800, materiál dezinfektan item ida, EBF Aituri-Laran hetan apoiu máskara 200 no dezinfektan item ida no EBF Taibessi máskara 100 inklui materiál dezinfektan ida.
Notísia Relevante :MEJD Simu Tulun Ekipamentu Husi Xina
Ekipamentu hirak ne’ebé MEJD distribui ba eskola tolu ne’e, antes ne’e hetan apoiu husi UNICEF no Plan INternasionál iha Timor-Leste
“Apoiu ida ne’e nu’udar meiu ida atu kumpre rekezitu hitu ne’ebé mak Ministériu Saúde kria ona atu eskola sira hotu bele kumpre ba prevene aan husi surtu COVID-19,” nia esplika.
Notísia Relevante :MEJD Distribui Ona Máskara 10.000 ba Munisípiu Rua
Kritéria Ministériu Saúde nian maka eskola hotu tenki instala tanke no bee moos fase liman, kria fatin lixu iha eskola, garante anbiente saudavel, uza máskara, mantein distansia sosiál no fiziku no mós seluk tan.
Jornalista : Tomé Amado
Editór : Agapito dos Santos
