DILI, 24 setembru 2020 (TATOLI)-Sekretáriu Estadu Juventude no Desportu (SEJD), Abrão Saldanha, hateten iha tetu fiskál 2020 ne’e sei aloka osan hamutuk rihun $ 120 ba Orgaun Liga Futeból Timor-Leste (LFTL) hodi implementa kopa 12 de novembru iha époka ne’e.
“Ba Liga Futeból Timor-Leste ita sei tau osan rihun $ 120 ba sira ho kopa 12 de Novembru hodi hala’o hikas atividade iha époka ida ne’e,” Sekretáriu Estadu Abrão Saldanha, hateten ba Tatoli, iha Parlamentu Nasionál, kinta ne’e.
Notísia Relevante :LFA transformadu ba Liga Futeból Timor-Leste
Alokasaun orsamentu ne’e pakote ida de’it ho kopa 12 novembru tanba eventu ne’e sei organiza husi LFTL.
Nia tenik tan SEJD sei aloka orsamentu ne’e hafoin OJE 2020 nian hetan ona aprovasaun husi Parlamentu Nasionál iha tempu badak.
Notísia Relevante :FFTL Sei Loke Kopa ba Klube Divizaun Dahuluk no Daruak
Jornalista: Hortencio Sanchez
Editór : Agapito dos Santos
