DILI, 28 setembru 2020 (TATOLI)-Sekretáriu Jerál Federasaun Karate-do Timor-Leste (FKTL), António Carlos de Araújo, informa, membru FKTL iha kategoria haat, maka hanesan labarik husi tinan 10 to’o 14, juniór 14-17 no kategoria rua seluk mak seniór husi tinan 22 ba leten ne’ebé hanaran U-21.
“Iha kategoria sira ne’e nia klase la hanesan, la’ós kategoria de’it atu ema 100 ne’e lae, maibé tuir idaidak nia klase haree sosi atleta sira-nia todan, ezemplu 25 kg ba to’o 40 no seluk tan, kategoria labarik agora iha ema na’in 80 kompostu husi feto 40 mane 40, juniór nian mós hanesan 80, feto 40 no mane 40, seniór no U-21 mós hanesan hotu preparadu atu partisipa iha jogu saida de’it,” António dehan ba Tatoli, iha Jináziu Dili, segunda ne’e.
Notísia Relevante :Novembru, FKTL realiza kampionatu nasionál
Iha mós kategoria ba treinadór Karate-do Timor-Leste iha oioin no tuir level la hanesan.
“Ami nia tradisaun treinadór bolu dan kesi sintu metan, maibé iha mós diferente tanba iha dan 1, dan 2, dan 3, to dan 6, iha Timor kategoria 6 ne’e eziste ona iha timor. Hare ba Federasaun Karate-do ne’e ami iha organizasaun tolu, ne’e mak sotokan, gujuriu no kusenriu,” nia hateten.
Kategoria dan Ida iha membru hamutuk 100-resin ne’e husi sintu kór kafé ba sintu metan, dab rua hamutuk ema na’in 40, dan tolu ema hamutuk 12, dan haat hamutuk ema na’in ualu, dan lima iha ema na’in rua no dan neen iha ema na’in rua.
“Treinadór hotu kesi sintu metan maibé level mak la hanesan, mak fahe ba dan ida to’o dan neen. Enkuantu hosi sintu kor Kafé to’o mutin bolu naran kohai signifika estudante sintu hirak ne’e mak hanesan, mutin, kinur, modok, azúl no kór kafé,” nia hateten.
Husi totál treiandór ne’ebé iha maioria mane.
Notísia Relevante :Atleta Karate-do Preparadu Partisipa Sea Games
Jornalista: Hortencio Sanchez
Editór : Agapito dos Santos
