DILI, 24 maio 2021 (TATOLI)–Prezidente Konsellu Administrasaun Autoridade Portuária Timor-Leste (APORTIL), Flávio Cardoso Neves, hateten, durante fulan-tolu iha tinan ne’e nia laran, rejista ró 16 maka tama iha Portu Dili.
“Durante lockdown hosi marsu to’o maiu, portu loke no atendimentu la’o nafatin normál tuir protokolu saúde, ne’ebé rejista ró 16 mak tama,” Prezidente Konsellu Administrasaun, informa iha ninia knaar fatin, APORTIL, Colmera, segunda ne’e.
Tuir Dirijente ne’e, ró tama hosi Indonézia, Vietname no nasaun seluk, ne’ebé maioria lori nesesidade bázika inklui materiál kontrusaun.
Maski Timor-Leste iha situasaun Estadu Emerjénsia no Serka Sanitária, maibé kompañia privada sira kontinua importa sasán.
“Kompañia Perisos hatama foos iha faze dahuluk tonelada 6.000 no faze segundu tonelada 5.500 sei to’o ohin,” nia akresenta.
Jornalista: Natalino Costa
Editora: Julia Chatarina
