DILI, 17 novembru 2021 (TATOLI)-InstitutU Camões liuhosi Projetu “Konsultóriu Língua ba Jornalista (CLN, sigla portugés)” ho Sekretariu Estadu Komunikasaun Sosiál (SEKOMS), atribui sertifikadu ba profisionál komunikasaun sosiál na’in-72, ne’ebé mak termina ona formasaun lian-portugés. Formandu na’in-71, kompostu hosi kursu nivél báziku A2 na’in-17, A2+ na’in 27 no nivél B2 ho ema na’in-20 ne’ebé partisipa kursu durante oras 50 to’o 200.
Jornalista ho profisionál komunikasaun sosiál hirak ne’e hala’o knaar iha Ajénsia notisioza Timor-Leste ka TATOLI,I.P, Rádiu Televizaun Timor-Leste, Empreza Públika, Grupu Média Nasionál (GMN), Jornal INDEPENDENTE, Dili Post, Rádiu Komunidade Comoro (RCC, sigla portugés), mEdia Online Loluwari, asesór imprensa iha Gabinete Primeiru Ministru no seluktan. Serimónia entrega sertifikadu ne’e hala’o diretamente hosi Sekretáriu Estadu Komunikasaun Sosiál, Merício Juvinál dos Reis ‘Akara’, akompaña hosi Embaixadór Portugál iha Timor-Leste, José Pedro Machado Veira, Prezidente Camões no Diretór Sentru Formasaun Téknika Komunikasaun (CEFTEC), Rafael da Silva Freitas, iha salaun sentru kulturál Embaixada Portugal, kuarta ne’e.
Produsaun Tatoli I.P ©2021
