DILI, 28 abríl 2023 (TATOLI) – Diretór Nasionál Farmasia no Medikamentu iha Ministériu Saúde Delfim Ferreira, dehan fulan oin Ministériu Saúde (MS) sei halo destroisaun aimoruk tipu neen ho botir 60.556 iha Tibar.
“Fulan oin ita sei destroi aimoruk sira ne’ebé ita rekolla iha klínika privadu no mós SAMES iha teritóriu nasionál, hahú iha fulan outubru 2022 to’o agora ita rekolla botir hamutuk 60.556 no destroi iha tibar”, Delfim Ferreira informa iha nia kna’ar fatin, ohin.
Nia dehan, aimoruk tipu neen ne’ebé MS rekolla mak hanesan Unibeby syrup hamutuk 6.777, termorex Syrup 307, Antasida Syrup 15.234, Paracetamol estroberry syrup1,722, Ibuprofen Syrup 36,225 no Parcetamol rasa jeruk 291.
“Aimoruk sira ne’e daudaun ne’e, ita rezerva iha SAMES, entaun fulan oin ita tenke halo destroisaun”, nia konklui.
Jornalista : Felicidade Ximenes
Editór ; Zezito Silva
