iklan

NASIONÁL

Governu sei revee lejislasaun hafoin implementa poder lokál

Governu sei revee lejislasaun hafoin implementa poder lokál

Ministru Administrasaun Estatál (MAE), Tomás Cabral. Imajen Tatoli/António Daciparu.

DILI, 22 agostu 2023 (TATOLI)—Ministru Administrasaun Estatál (MAE), Tomás Cabral, hateten implementasaun poder lokál ne’e Governu presiza revee (haree fila-fali) lejislasaun, nune’e bele fó dalan hodi implementa.

Notísia Relevante: MAE halo abertura diseminasaun lei poder lokál no lei eleisaun munisipál

“Poder lokál, Governu sei revee lejislasaun tanba haree mós polítika Governu nian no mós haree ba Planu Estratéjiku Dezenvolvimentu Nasionál 2011-2030. Sei altera dekretu-lei númeru 3/2016, nune’e sei instala autoridade iha munisípiu sira inklui Governu orijinál iha Ataúro,” Ministru Tomas Cabral hateten ba jornalista sira, iha resintu Parlamentu Nasionál, tersa ne’e.

Governante ne’e hateten, hosi ne’e mak bele aselera desentralizasaun administrativa iha munisípiu sira hotu.

Iha 2026 nia rohan, Governu sei bele halo avaliasaun mínimu ba munisípiu sira, nune’e bele avansa ba eleisaun munisipál tanba oras ne’e daudaun munisípiu sira uza osan própriu hanesan ohin Parlamentu Nasionál dehan orsamentu ba munisípiu hotu-hotu iha.

Tanba, tuir nia, orsamentu kada munisípiu iha rasik no sira mak jere no ezekuta planu no programa sira, tanba ne’e presiza halo alterasaun ba dekretu-lei refere.

Tanba, tuir nia, agora osan ba merenda escolar boot liu ha Dili miliaun $3 no kiik-liu mak millaun $1,7, tanba ne’e Governu husu ba administradór munisípiu sira atu iha kinta (31 agostu) mai, tenke hato’o relatóriu ezekusaun tanba sira mak jere orsamentu rasik no Ministériu halo kontrollu de’it.

Atu implementa poder lokál, governante ne’e hateten, dalan ida mak tenke halo alterasaun ba dekretu-lei 3/2016 ne’e.

“Ita tenke halo alterasaun ba dekretu lei númeru 3/2016 ne’e, hafoin bele implementa poder lokál,” nia dehan.

Notsia Relevante:

Jornalista : Osória Marques

Editór       : Cancio Ximeens

iklan
iklan

Leave a Reply

iklan
error: Content is protected !!