DILI, 04 outubru 2023 (TATOLI)—Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten fazeadamenteSTAE distribui ona materiál ba munisípiu sira hodi utiliza ba eleisaun suku ne’ebé sei realiza iha 28 outubru 2023.
Notísia Relevante: MAE-STAE hahú divulga informasaun eleisaun suku ba komunidade
Materiál sira-ne’ebé atu utiliza iha eleisaun suku ne’e la’ós uza totalmente hanesan ho eleisaun jerál nian, ba eleisaun suku ne’e rasik sei uza modelu seluk mak sei la uza lista votante, tinta no sira seluk tan, entaun materiál sira menus tebes.
“Eleisaun suku ne’e prosesu sufrájiu ita tenke garante eleitór sira fó nia eskolla ho justu no seguru, tanba ne’e ita sei utiliza nafatin kabina de votu no buletin votu. Entaun, depois dekretu Governu sai kona-ba loron eleisaun suku, STAE lori hikas prosesamentu materiál apoiu eleisaun, nune’e to’o horisehik materiál sira hotu kuaze to’o ona STAE munisipál ho kuantidade boot. Fazeadamente, ita konsidera ladú sensitivu transporta ona ba munisípiu sira,” Acilino Manuel Branco hateten liuhosi programa “Entervista Sskluziva” ho topiku “STAE nia Preparasaun ba Eeleisaun Suku” iha estúdiu Agência Tatoli, Farol, kuarta ne’e.
Nia dehan, materiál dadaun ne’e falta de’it mak kabina votu ho seluk mak dadaun iha dalan, tanba materiál sira hosi Indonézia mai no seluk ne’e to’o ona iha STAE.
“Mateirál sir- ne’ebé iha ona ita halo hela distribuisaun fazeadamente no tuir kalendáriu operasionál ne’ebé iha tarde liu 23 outubru ne’e, materiál sira hotu sai ona ba munisípiu hotu-hotu inklui RAEOA,” nia dehan.
Materiál ne’ebé iha ona mak hanesan urna, uniforme ba meza eleitorál atu utiliza, no materiál ne’ebé daudaun prepara mak formatu buletin votu ba xefe suku no xefe aldeia, tuir lei suku nian ba eleisaun suku ne’e sei akontese iha nível aldeia.
Notísia Relevante: STAE kontinua husu sidadaun hakbesik ba postu administrativu halo resensiamentu
Jornalista : Nelson de Sousa
Editór : Cancio Ximenes
