DILI, 06 novembru 2023 (TATOLI) — Diretór Klíniku Hospitál Nasionál Guido Valadares (HNGV), Marcelino Correia, hateten vítima husi akontesimentu iha Lourba, Munisípiu Bobonaro halo hela tratamentu no iha faze rekuperasaun nia-laran.
“Situasaun ne’ebé mak akontese iha Munisípiu Bobonaro iha vítima na’in tolu mak tama iha HNGV maibé na’in ida halo observasaun de’it no fila ba uma maibé hela na’in rua mak halo tratamentu iha ospitál ne’ebé fó asisténsia médika husi profisionál saúde sira”, Marcelino Correia dehan iha nia kna’ar fatin HNGV, ohin.
Nia informa, vítima sira ne’e hetan transferénsia husi Hopsitál Maliana mai HNGV atu bele hetan atendiemntu di’ak liután husi médiku espesialista sira.
“Iha momentu ne’eba, ita simu vítima na’in-tolu ne’ebé mak transfere husi Hospitál Referal Maliana mai iha HNGV, atu bele hetan atendementu di’ak liután, husi ne’e iha kazu na’in-rua hetan tiru no agora daudauk baixa hela iha sala sirurjiaun no kazu sira ne’e bele dehan kategoria kamaan”, nia konklui.
Notísia relevante : PNTL sei investiga ema na’in-hitu deskonfia envolve kazu Lourba-Karabau
PNTL buka tuir suspeitu ne’ebé taa joven ida iha Lourba
Jornalista : Felicidade Ximenes
Editór : Zezito Silva
