MS halo mapamentu estabelese Postu Saúde iha territóriu nasionál

DILI, 16 janeiru 2024 (TATOLI) – Ministra Saúde Elia Dos Reis Amaral, dehan Governu halo hela mapamentu atu estabelese tan Postu Saúde iha suku sira iha territóriu nasionál ne’ebé seidauk iha.

“Ita halo hela mapamentu hafoin ita estabelese Postu Saúde iha suku sira ne’ebé seidauk iha, atu responde ba preokupasaun povu nian ne’ebé iha suku sira iha área rurál”, Elia hateten ba jornalista sira iha edifísiu INFPM, ohin.

Nia adianta, Governu sei haree posibilidade hodi instala, tinan ne’e, Postu Saúde sira, no prosesu la’o daudaun ona.

“Buat hotu sei iha prosesu nia-laran tanba ita hatene rekezitu atu harii Postu Saúde sira ketak no rekezitu ba atu harii Sentru Saúde sira mós ketak, entaun Governu sei haree no estuda, bainhira mak implementa”, nia afirma.

Notísia relevante : Suku ualu iha Turiscai seidauk iha Postu Saúde

Jornalista: Hortencio Sanchez

Editór : Zezito Silva