DILI, 22 abríl 2024 (TATOLI)–Autoridade Aduaneira (AA)/Alfándega, arrekada reseita $21.595.765,59 durante trimestre dahuluk tinan ne’e.
“Reseita ne’e husi janeiru to’o marsu, espera husi abríl ba oin bele sa’e maka’as liután tanba ita hotu depende ba Governu-nia obra sira, sira halo obra no prosesu konkursu sira la’o hotu, implementasaun projetu sira hahú iha juñu to’o novembru, entaun reseita sei sa’e maka’as, ne’e ami-nia estimasaun de’it depois mak ita haree realidade ba oin,” Diretór Nasionál Alfándega, Armindo Santos, relata ba Agência Tatoli, iha ninia knaar fatin, iha antigu edifísiu Ministériu Finansa, segunda ne’e.
Nia dehan, osan sira ne’e reál iha sistema Estadu nian, seidauk temi ho sira ne’ebé ninia prosesu la’o hela hanesan selu koima.
Produtu importadu ne’ebé hatama reseita boot liu mak kombustível ba enerjia eletrisidade veíkulu, tuir mak alkoólika, konstrusaun sivíl no nesesidade bázika mai husi Indonézia no Xina.
Nia klarifika, kona-ba folin foos iha sistema importasaun normál hela, folin sa’e la’ós iha Timor maibé folin sa’e kedas hosi nasaun orijen, ezemplu importa husi Viename no Cambodia.
“Ida-ne’ebé Governu kontratu ne’e buat ketak ida, ida-ne’ebé importadór ninia folin la hanesan, tanba ne’e maka komunidade hakfodak ho folin foos sa’e ne’e tanba folin husi nasaun orijen,” nia tenik.
Notísia relevante : Alfándega arrekada reseita millaun $103 durante tinan 2023
Reseita sira ne’e iha fulan-janeiru kona-ba taxa seletivu iha Portu Tibar $1.788.223,85, Aeroportu Comoro $10.552,51, Postu integradu Batugade $2.258,50, Suai-Salele $406,20, fevereiru nian taxa seletivu kompostu husi Portu Tibar $4.669.477,95, Aeroportu Comoro $74,63, Batugade $12.831,02, Salele $496,80, enkuantu taxa seletivu iha marsu kompostu husi Portu Tibar $5.388.238,01, Aeroportu Comoro laiha, no postu Batugade $15.833,47.
Rekolla husi importasaun dever aduaneiru iha fulan-janeiru kompostu husi Portu Tibar $1.249.226,47, Aeroportu Comoro $25.381,16, Postu Batugade $62.914,87, no Salele $11.101,76, fevereiru husi Portu Tibar $1.491.060,10, Aeroportu Comoro $27.967,30, Postu Batugade $76.771,64, Postu Salele $10.214,86, marsu iha Portu Tibar $1.527.082,82, Aeroportu Comoro $15.435,77, Postu Batugade $78.044,03, Postu Salele $8.673,41. Enkuantu dever aduaneiru seluk husi taxa 5% iha janeiru mai husi Portu Tibar $3.595, fereveiru mai husi Portu Tibar $19, Aeropotu Comoro $148, marsu iha de’it Portu Tibar $2.036.
Reseita mai husi penalty iha fulan-janeiru ba de’it Portu Tibar rekolla $23.350, fevereiru iha Portu Tibar rekolla $8.350 no marsu nafatin iha Portu Tibar $12.050.
Taxa prosesamentu importasaun husi janeiru iha Portu Tibar $3.768, Aeroportu Comoro $567, Batugade $2.076, Salele $395, iha fevereiru mai husi Portu Tibar $3.900, Aeroportu Dili $640, Batugade $2.186, Salele $339, iha marsu hanesan Portu Tibar $3.583, Aeroportu Comoro $525, Postu Batugade $2,035 no Salele $334.
Impostu sobre venda iha janeiru mai husi Portu Tibar $1.323.570,12, Aeroportu Comoro $24.944,14, postu Batugade $64.567,28, Salele $11.389,71, iha fevereiru kompostu husi Portu Tibar $1.647.354,94, Aeroportu Comoro $28.663,52, Postu Batugade $78.893,09, Salele $10.486,53, no marsu mai husi Portu Tibar $1.697.924,56, Aeroportu Comoro $15.818,17, Postu Batugade $80.596,99 no Salele $8.880,60.
Volume importadór ba karreta sa’e maka’as durante fulan-tolu
Direjente ne’e dehan, volume karreta importadu sa’e maka’as durante fulan-janeiru, fevereiru no marsu. Tanba ne’e, iha tinan 2023 Governu halo ona espesifikasaun ba importasaun karreta, katak karreta ho folin liu rihun $10 kona taxa 10% (depende ba espesifikasaun), menus husi rihun $5 maka taxa 5%.
“Karreta no motorizada importa mai Timor barak tanba iha empreza lubuk mak hatama mai, maibé ami-nia parte halo kontrolu de’it ba tinan produsaun no rekolla taxa ba Estadu, atu haree limita importasaun tanba haree fali espasu públiku ne’ebé hamosu engarafamentu, ne’e kompeténsia Ministériu Transporte Komunikasaun hodi haree para halo kuota ba importadór sira hodi importa karreta mai Timor,” nia sujere.
Nia dehan, seidauk iha regulamentu ida atu regula ka determina hodi karreta sira ne’ebé kategoria luxu selu taxa ba Estadu.
“Iha Indonézia karreta sira tama kategoria mewah ne’e tenke selu taxa kada tinan maibé iha Timor laiha, tanba ita seidauk iha lei ruma ba ida-ne’e, entaun ita aplika de’it bainhira karreta ne’e tama ka sosa lori mai ita aplika taxa ne’e dala-ida de’it, no kada tinan ba hamoris Kir ka renova surat, ne’ebé sujere atu parte kompetente haree no indika katak karreta ida-ne’ebé de’it mak tama kategoria mewah kada tinan tenke selu taxa,” nia akresenta.
Jornalista : Antónia Gusmão
Editora : Julia Chatarina
