VIQUEQUE, 11 outubru 2024 (TATOLI)- Diretór Obra Públika (MOP) munisípiu Viqueque, Casildo Gomes, informa projetu reabilitasaun ba estrada rurál iha munisípiu Viqueque hamutuk pakote sia.
“Rebiltasaun estrada rurál ita hetan pakote hamutuk sia, maibé pakote ida maka sei pendente ne’ebé sei re-konkursu ba empreza sira. Pakote ualu ne’e loos ona tempu badak empreza manán na’in sira sei ba asina kontratu”, Casildo Gomes, ba Agência Tatoli, iha postu Viqueque Viqueque, ohin.
Casildo dehan, projetu reabilitasaun estrada ne’e fó sai ona no empreza sira preparadu ona atu implementa iha tinan 2024.
“Hafoin empreza sira ba asina tiha kontratu hotu hahú mobiliza materiál reabilitasaun ba kada pakote sira, projetu sira-ne’e ita sei implementa iha tinan ida-ne’e”, nia relata.
Pakote Projetu reabilitasaun estrada rurál maka hanesan liga husi Ulukaibein ba Kaiualita hahú 3+500-7+00 suku Loiulu, Irabin de Cima, Bahatata no Afaloikai postu Uatucarbau ho orsamentu $730,536.11, responsavél husi empreza Sabirara Unip Lda. Pakote reabilita estrada Caiualita liga suku Bahatata 7+000-10+500 postu Uatucarbau ne’ebé sei pendente.
Pokete husi Loiulu ba Uaidasu kilométru 3 postu Uatucarbau, totál orsamentu $668,595.71 empreza Marju Co Unip Lda, Reablita estrada suku Loiulu Uaidasu ba Nabo 3+000-6+000, ho orsamentu $580,744.60, ka’er husi empreza Rizonel Unip Lda.
Reablitasaun estrada husi suku Loiulu Naboba Daragata 6+000-8+300, ho orsamentu $580,744.60 , ka’er husi empreza Rizonel Unip Lda.
Reabilitasaun estrada rurál husi Nunumalau ba Iraler 0+000-2+500, postu Uatulari orsamentu ba reabiltasaun hamutuk $632,073. 34, responsavél husi empreza Civ Fitun L Dware Unip Lda, Reabilitasaun estrada rurál Kararas lig ba Ueluli Manas kimentru 0+000-2+200, ho $551,941.70, ka’er husi empreza Lutu Tare Unip Lda.
Reabilitasaun estrada rurál husi Ossu de Cima liga suku Liaruka hahú 8+00 -10.000 ba postu Ossu, ne’ebé sei gasta orsamentu hamutuk $459, 817.93, konstrui husi empreza Metaquili Unp Lda no Pakote reabilitasaun husi Ossu de Cima ba Liaruka hahú 10+000-12+000 ba postu Ossu, sei gasta $489,147.85, responsavél husi empreza Lara Wulu Unip Lda.
Jornalista : Vitorino Lopes da Costa
Editór : Florencio Miranda Ximenes
