WUHAN, 23 outobru (TATOLI)- Jornalista na’in-21 ne’ebé tuir semináriu Media profisionál nasaun husi organizasaun ASEAN, ne’ebé hala’o iha Ningbo kuarta (23/10) ne’e hiit aan ba vizita fatin importante tolu iha provinsia Wuhan Xina.
Fatin tolu ne’ebé jornalista vizita mak Hubei Museum of art lokaliza iha sidade Hubei Fiber Home no sentru komersiál ne’ebé modernu no númeru ida iha provinsia Wuhan.
Objetivu husi vizita ne’e atu partilla ba jornalista sira kona-ba sasán kulturál ne’ebé Xineza sira uza tempu impériu, no atu partilla prosesu harii fibra ótika no dezenvolvimentu fibra ótika inklui indústria fibra ótika iha Xina no dezenvolvimentu komérsiu iha Xina agora daudaun ne’e.
Instrutora Juan Juan Li, hateten, vizita ida ne’e importante ba iha jornalista na’in-21 ne’ebé partisipa iha semináriu organizasaun komunikasaun sosiál ASEAN nian, iha Xina.
“Ohin Ita ba vizita uluk múzeu Hubei iha sidadade Hubei múzeu ida-ne’e harii iha 1953. Múzeu ida prezerva sasan kulturál antigu povu Xineza iha iha tempu impériu, tanba ne’e iha oportunidade ida-ne’e lori ita-bo’ot sira mai koñese sasan sira ne’ebé preserva ih la múzeu nee,” Juan Juan Li hateten iha intervensaun bainhira lori jornalista na’in-21 ba vizita múzeu Hubei iha sidade Hubei, kuarta ne’e.
Patrimóniu sira ne’ebé mak prezerva iha múzeu ne’e mak hanesan foto antigu liurai sira ne’ebé kaer dinastia ukun iha tempu impériu nian, kuse antigu ne’ebé povu Xina utiliza iha tempu antigu, vestuáriu, surik, dima antigu inklui vestuáriu antigu, kuda sira ne’ebé uluk tempu antigu komunidade Xina uza hanesan transporte Hayang tradisional Xina nian, vestuáriu kulturál, fatin sagradu ne’ebé komunidade Xina adora.
Hafoin vizita tiha Hubei muzeum of art iha sidade Hubei, instrutora.Juan Juan Li no Cao Bo inklui voluntáriu sira lori jornalista na’in-21 ba vizita Fatin fibra ótika ka Fiber Home iha Wuhan.
Profesór Cao Bo, hateten, “Ita ohin mai vizita Fiber Home nu’udar fatin ba fibra iha Wuhan”.
Nia esplika fibra ótika Xina ninia instala iha Wuhan, Beijing, Zhuai, França no Copenhagen, Dinamarka.
“Ita-boot sira haree ida-ne’e baze fibra ótika ne’ebé estabelese iha Fiber Home. Iha ne’e mós fatin ba sentru Information Communication Chines Technology. Fatin ida -ne’e mak regula informasaun komunikasaun iha Xina ICCT tinan bele hatama reseita 12.1 billaun,” nia informa.
Nia dehan, Fiber Home iha mós indústria ba informasaun komunikasaun teknolojia ne’ebé mak avansu tebes tanba kompleta ho nia fasilidade ne’ebé modernu no kualidade tebes.
“Kona-ba informasaun komunikasaun teknolojia ida-ne’e investór nasaun barak mak hakarak mai iha ne’e hodi halo investimentu iha fatin ida-ne’e,” nia konklui.
Entretantu hafoin vizita tiha fatin rua, instrutora hamutuk ho voluntáriu Sira lori jornalista na’in-21 ba vizita sentru komérsiu ne’ebé modernu tebes iha provinsia Wuhan no sentru komérsiu iha Wuhan ne’e dezeña ho artistika Europa ne’ebé halo iha tempu Uniaun Sovietika.
Notísia relevante:Jornalista 21 vizita zona indústria produsaun filme iha Ningbo
Jornalista: Natalino Costa
Editór: Rafael Ximenes de A. Belo
