DILI, 28 novembru 2024 (TATOLI)—Autoridade Munisipal Dili (PAM) serbisu hamutuk ho Uniaun Kapital Sidade Língua Portugeza (UCCLA, sigla portugés) hakarak Carrinho ne’ebé Unisversidade Nacionak Timor Lorosa’e (UNTL) prodús ne’e di’ak ba negosiante ambulante sira.
“UCCLA ho AMD serbisu hamutuk ho UNTL no SentruFformasaun Tibar halo produsaun ba Kariña. Ida-ne’e tentativa proposta solusaun ba vendedór sira,” Prezidente Autoridade Munisípiu Dili, Gregório Saldanha, hateten ba jornalista sira iha hafoin partisipa serimónia isar bandeira ba loron proklamasaun independénsia unilateral ba da-49 (28 novembru 1975-28 novembru 2024) iha resintu prizaun Becora, kinta ne’e,
Estudante husi Fakuldade Enjenária UNTL, Juliana Maria Bakita Ximenes, hateten Carrinho ka ambulante ne’ebé ami halo ne’e atu bele utiliza ba faan produtu sira hanesan kafe no xá.
“Ami hetan ajudikasaun direta iha tinan kotuk, ami halo proposta no dezeñu. Ami partisipa iha feira ida hodi aprezenta pro tipu ba kaareta ambulante, ami hetan sujestaun husi vendedór ambulante sira, entaun ami hadi’a,” nia dehan.
Estudante ne’e dehan, sira hetan fundu husi Uniaun Europeia ba kada unidade Carrinho ida iha osan $1.000 ba dezeñu kaderneta no medida 175cm tuir altura ema timoroan nian, no estudante sira halo protipu Carrinho unidade hitu (7) no entrega ona ba Autoridade Minisípiupál Dili (AMD).
Formadór hosi Sentru Formasaun Tibar, Ananias Soares, hateten sira halo produsaun ba Carrinho ba negosiante ambulante sira-ne’e atu entrega ba AMD no UCCLA.
Carrinho sira-ne’e, formandu ka estudante nível 2 no 3 sira mak halo dezeñu no prodús, entaun kooperasaun UCCLA ho AMD no Sentru Formasaun Tibar prodús Carrinho, tanba vendedór uza gerobak bainbain de’it.
“Carrinho ida móvel, nune’e negosiante ambulante sira bele faan iha fatin públiku sira iha Dili laran no kalan sira bele dudu fila ba sira-nia uma,” nia dehan.
Jornalista : Jesuína Xavier
Editór : Cancio Ximenes
