DILI, 27 dezembru 2024 (TATOLI)—Administrasaun Portu Timor-Leste, Institutu Públiku (APORTIL,I.P) rekolla ona reseita hamutuk $1.192.207,76 ba kofre, hahú husi janeiru to’o 26 dezembru 2024.
“Rendimentu ne’e foti husi ró-ahi sira ne’ebé halo operasaun hanesan ró-ahi succes, Berlin Ramelau no Berlin Nakroma,” referidu nota ne’ebé Agência Tatoli asesu, sesta ne’e.
Notísia relevante : Governu husu APORTIL muda oráriu Ró Berlin Ramelau ba Oé-Cusse
Reseita sira ne’ebé simu mak hanesan janeiru $129.827,71, fevereiru $78.309,63, marsu $99.543,99 abril $73.633.61 maiu $141.806,21, juñu $87.838,48, jullu $93.961,37, augostu $97.705,21, setembru $72.533,67, outubru $81.233,25 novembru $42.233,25, dezembru $193.184,73.
APORTIL, I.P rekolla reseita hamutuk $1.047.804,59 ba kofre Estadu, iha tinan 2023.
Jornalista : Arminda Fonseca
Editora : Julia Chatarina
