DILI, 14 Juñu 2025 (TATOLI)-Armada Académica FC susesu iha nia jornada daruak hodi ‘lulun’ nia adversariu AS Ponta Leste ho rezultadu 2-0 iha jogu kontinuasaun Liga Futeból Timor-Leste (LFTL) ne’ebé realiza iha Estádiu Manatutu, sabádu lorokraik, ohin.
Vitoria ne’ebé Académica hetan hanesan dalan ida ba ekipa hodi rekolla pontu tolu no aumenta pontu ba haat. Enkuantu Ponta Leste kontinua hela ho pontu ida, basa iha jogu primeiru ekipa empata ho adversariu Coração FC 0-0.
Golu vitória Académica prodús husi nia jogadór Obimdike Vincen iha minutu 51 no golu segundu auto-golu husi jogadór Ponta Leste Joãozinho Amaral iha minutu 90+3.
Husi rezultadu jogu, lori Académica ho provizóriu okupa pozisaun segundu iha tabela klasifikasaun ba pontu haat no Ponta Leste nafatin iha liña okos.
Notísia relevante: Académica manán Crazy Horse ho golu mihis
Jornalista : Hortencio Sanchez
Editora : Rita Almeida
