DILI, 09 Jullu 2025 (TATOLI) – Eletrisidade de Timor-Leste, Empreza Públika (EDTL, E.P) arrekada, iha semestre dahuluk, reseita hamutuk millaun $35,8 ba kofre Estadu.
Prezidente Komisaun Ezekutiva EDTL, Paulo da Silva, hateten reseita ne’e mai husi atividade sira hanesan fa’an pulsa eletrisidade, monta kontadór pré-pagu, aplika taxa ba aluga ekipamentu no seluk tan.
Nia dehan, projesaun reseita husi Ministériu Finansa ne’ebé fó ba EDTL iha tinan ne’e, presiza rekolla to’o millaun $60.
Tanba ne’e, EDTL nafatin esforsu liuhusi nia atividade sira hodi bele rekolla reseita tuir meta ne’ebe iha.
Relembra katak EDTL arrekada, iha tinan kotuk, reseita ho totál millaun $58-resin.
Notísia relvante : https://tatoli.tl/2025/02/14/edtl-hetan-transferensia-millaun-1665-hodi-garante-fornesimentu-enerjia-eletrika/
Jornalista: Arminda Fonseca
Editora: Maria Auxiliadora
