DILI, 13 Janeiru 2026 (TATOLI)—Ministru Asuntu Kombatente Libertasaun Nasionál (MAKLN), Gil da Costa Monteiro “Oan-Soru”, informa Ministériu Asuntu Kombatente Libertasaun Nasionál (MAKLN) atribui ona fixa pagamentu 8.174 ba kombatente libertasaun nasionál.
“Atribui fixa pagamentu ba kombatente hahú hosi 15 Dezembru 2025 mai to’o horisehik, 12 Janeiru 2026, hamutuk 8.174. Munisípiu hotu-hotu seidauk konkluidu,” Oan-Soru dehan ba jornalista sira iha Gabinete MAKLN, Komoro, Tersa ne’e.
Notísia relevante: MAKLN atribui ona fixa pagamentu ba kombatente hamutuk 5.991
Hosi kombatente 8.679 kompostu hosi Munisípiu Aileu kombatente hamutuk 612, atribui ona fixa pagamentu ba ema 403. Ainaru kombatente hamutuk 1.000 no atribui ona fixa pagamentu ba ema 681. Ataúru kombatente na’in hitu (7), na’in-neen simu ona fixa pagamentu. Baukau kombatente hamutuk 851 no atribui ona fixa pagamentu iha 392. Bobonaru kombatente hamutuk 1.145, atribui ona fixa pagamentu hamutuk 664. Kovalima kombatente hamutuk 1.121, atribui ona fixa pagamentu hamutuk 798. Dili kombatente hamutuk 3.899, atribui ona fixa pagamentu hamutuk 2.741. Ermera kombatente hamutuk 935, atribui ona hamutuk 837. Lautein kombatente hamutuk 2.940 no atribui ona fixa pagamentu hamutuk 761.
Munisípiu Likisá kombatente hamutuk 1.241 no atribui ona fixa pagamentu hamutuk 384. Manatutu kombatente hamutuk 682, atribui ona fixa pagamentu 209. Manufahi kombatente 486, atribui ona fixa pagamentu 132. Oekusi kombatente hamutuk 50, atribui ona fixa pagamentu 11. Vikeke kombatente hamutuk 634, atribui ona 136 no sira ne’ebé iha rai-li’ur ne’e ema hamutuk 54, atribui ona fixa pagamentu 19.
“Signifika munisípiu hotu-hotu ita seidauk konkluidu. Kombatente sira hosi munisípiu ita atende hotu, biar sira-nia loron liu ona ka seidauk to’o, ami atende hotu,” nia dehan.
Nune’e, nia garante katak atribuisaun fixa pagamentu ida-ne’e sei konklui durante loron 15 nia laran.
Jornalista: Osória Marques
Editór: Xisto Freitas da Peidade
