DILI, 16 Abríl 2026 (TATOLI)–Sekretáriu Estadu Komunikasaun Sosiál, Expedito Dias Ximenes husu ba Embaixadór Malázia, Amarijit Sarjit Singht atu kontinua apoiu fortalese kooperasaun iha área komunikasaun.
“Ohin Señor Embaixadór Malázia mai despede ha’u tanba nia serbisu hanesan Embaixadór iha Timor-Leste atu besik ramata. Ha’u agradese em nome do Governo, espesial Sekretária Estadu Komunikasaun Sosiál, ba serbisu hamutuk ne’ebé durante ne’e Timor-Leste ho Malázia halo iha área komunikasaun sosiál, informasaun no mídia,” Sekretáriu Estadu hato’o ba Jornalista sira hafoin ramata enkontru ho Embaixadór Amarijit Sarjit iha ninia knaar fatin, Palásiu Governu, Kinta ne’e.
Governante ne’e agradese ba Diplomata Malázia ne’e tanba bele serbisu maka’as hamutuk ho Governu Malázia dezenvolve área komunikasaun.
“Iha tinan liubá, asina MoU ida ho Ministru informasaun Malázia nian ne’ebé atu fó formasaun ba jornalista sira atu halo interkámbiu jornalista Timor-Leste ho Malázia, liliu entre televizaun nasionál rua Rádiu Televizaun Timor-Leste Empreza Públika no Rádiu Televizaun Malázia no Ajénsia Notisioza TATOLI – Institutu Públiku ho Bernama Malázia nian,” nia akresenta.
Notísia relevante : Embaixadór Malázia-PM Xanana diskute kooperasaun TL integra-efetivamente iha ASEAN
Governante ne’e dehan, Timor-Leste nafatin apreende ho Malázia iha área komunikasaun no informasaun tanba iha tinan 2025 iha simeira, Timor-Leste sai membru plenu ASEAN iha Malázia no momentu, iha momentu ne’ebá jornalista apreende oinsá mak iha simeira di’ak.
“Ha’u mós husu ba Señor Embaixadór ohin atu mezmuke la’ós ona Embaixadór iha tempu oin mai karik nafatin hamutuk ho Governu Malázia nafatin kontribui ba iha formasaun ba Jornalista sira Timor-Leste,” nia katak.
Expedito hateten, kooperasaun iha área mídia no informasaun entre Fovernu Timor-Leste no Malázia la’o hela iha nível diskusaun.
“Ho situasaun krize média oriente lao daudaun konserteza presiza tempu. Maibé objetivu prinsipál ne’e sira sei la’o iha tempu oin mai,” nia katak.
Iha fatin hanesan, Embaixadór Malázia mai Timor-Leste, Amarijit Sarjit Singht hateten, relasiona ho Timor-Leste nia entrada ba ASEAN, iha futuru Malázia sei kontinua fó apoiu atu Timor-Leste bele integra ho efetivu iha organizasaun ne’e hodi asegura katak povu bele sente benefísiu sira.
Nia haktuir, liuhusi hasoru malu ho Sekretáriu Estadu, hato’o ba nia esperansa katak Malázia bele kontinua ajuda Timor-Leste, liuliu iha área formasaun ba jornalista sira.
“Ha’u mos hateten ba nia katak planu sira ne’e iha ona no preparadu, no iha tempu oin mai ita bele implementa ho di’ak. Kooperasaun entre nasaun rua ne’e importante tebes tanba bele fó benefísiu ba parte rua no hametin relasaun bilaterál,” nia tenik.
Diplomata ne’e hateten, maski iha dezafiu globál balun ne’ebé afeta ba situasaun atuál, maibé Governu Malázia sei kontinua nafatin ajuda Timor-Leste hodi promove dezenvolvimentu no progresu hamutuk.
“Se ita hakarak, ha’u bele halo nia sai mais formál ka mais badak tán,” nia reforsa.
Jornalista : Natalino Costa
Editora : Julia Chatarina
