DILI, 23 Juñu 2026 (TATOLI)—Selesaun Nasionál Fransa halakon Irake 3-0 iha jogu daruak faze grupu iha Grupu I Kopa Mundiál 2026 ne’ebé realiza iha Estádiu Filadélfia, Tersa (23 Juñu 2026) dadeer, oras Timor-Leste.
Ho vitória ne’ebé Fransa hetan asegura kedan sira-nia fatin iha jornada 32 Kopa Mundiál, basá iha jogu rua manán hotu no daudaun ne’e akomula ona pontu neen.
Les Bleus hetab oportunidade barak iha primeira parte, maibé kondisaun klima udan boot inklui rai-nakdoko ne’ebé atraza jogu hahú liu oras rua iha segunda parte.
Kylian Mbappé sai hanesan estrela espetákulu nian, marka golu rua, enkuantu Ousmane Dembele aumenta tan ida hodi asegura pontu sira ba selesaun Didier Deschamps nian.
Fransa hahú jogu ne’e ho ritmu ne’ebé neineik maibé fiar-an. Kampeaun mundiál dala rua ne’e domina pose lahó halai hodi aplika presaun esporádika ba defeza Irake nian.
Intensidade atake Fransa aumenta de’it hafoin minutu sanulu. Ala direita, lidera husi Michael Olise, sai hanesan sentru prinsipál husi atake Fransa nian.
Estratéjia ida-ne’e fó rezultadu iha minutu 14. Michael Olise halo pasajen ida-ne’ebé perfeitu husi sorin-loos, ne’ebé hasoru husi Kylian Mbappé.
Kylian Mbappé hafoin ne’e lansa suta ida ho ain-karuk ne’ebé maka’as hosi área penalidade nia liur. Bola ne’e semo liu guarda-rede irakianu Ahmed Basil.
Jogu nia tempu no pasajen ne’ebé relaxadu obriga Graham Arnold nia jogadór irakianu sira atu mantein foku iha sira nia parte rasik.
Durante intervalu entre metade sira, udan-boot ne’ebé akompaña ho rai-nakdoko kona área iha Lincoln Financial Field nia sorin. Ofisiál sira jogu nian deside atu adia segunda parte ba seguransa jogadór sira-nian.
Hafoin atrazu liu oras rua, tempu ikus mai hadi’a no ofisiál sira jogu nian deside atu hahú fali segunda parte.
Iha kontraste ho primeira parte, Fransa implementa kedas atake ida ho intensidade aas hahú hosi inísiu segunda parte, hodi fó presaun ba defeza ekipa adversáriu nian.
Presaun konstante ida-ne’e obriga defeza Irake nian halo erru fatal ida iha minutu 54. Pase ida ne’ebé laloos husi defeza irakianu ida, ne’ebé iha intensaun atu fó fali bola ba guarda-rede Ahmed Basil.
Bola ne’ebé lakon ne’e kontrola husi Ousmane Dembele, ne’ebé depois pasa ba Kylian Mbappé. Avansadu Real Madrid nian ho fasil maka hatama nia golu daruak ho rezulatdu 2-0 ba Fransa.
Fransa besik duplika sira-nia vantajen iha minutu tolu liutiha liuhusi oportunidade osan-mean ida husi Ousmane Dembele maibé nia suta kona trave.
Liutiha minutu ida, médiu Adrien Rabiot ameasa baliza irakianu, maibé nia la konsege konverte oportunidade.
Jogadór Paris Saint-Germain nian aproveita pasajen ida seluk ne’ebé loos husi Michael Olise hodi halo 3-0.
Defeza franseza hetan kaer iha minutu 75. Irake lansa kontra-atake ida-ne’ebé lalais, ne’ebé kulmina ho suta ida husi Amir Al Ammari, maibé bola ne’e la’o dook.
Iha minutu sanulu ikus husi jogu, Kylian Mbappé sai agresivu tebes iha nia buka hat-trick. Maibé, liña kotuk Irake nian metin, hodi trava movimentu hotu-hotu.
Oportunidade osan-mean ikus nian husi Kylian Mbappé monu ba nia iha minutu 90 iha kontra-atake ida, maibé nia remate sai aas. Hafoin ne’e nia hetan substituisaun hosi treinadór Didier Deschamps.
Árbitru Drew Fischer huu apitu finál hafoin aumenta minutu rua ba tempu adisionál ba segunda parte. Eskoru mantein 3-0 ba Fransa hasoru Irak to’o jogu remata.
Jogadór husi Fransa
Mike Maignan, Jules Kounde, William Saliba, Ibrahima Konate, Lucas Digne, Aurelien Tchouameni, Ngolo Kante, Adrien Rabiot, Ousmane Dembele, Kylian Mbappe, Marcus Thuram
Jogadór husi Irake
Ahmed Basil; Hussein Ali, Zaid Tahseen, Akam Hashim, Marchas Doski; Ibrahim Bayesh, Zaid Ismael, Amir Al Ammari, Zidane Iqbal, Ahmed Qasem; Aymen Hussein.
Jornalista : Hortêncio Sanchez
Editór : Cancio Ximenes
