DILI, 23 Juñu 2026 (TATOLI)—Antigu Prezidente Repúblika,Francisco Guterres Lú Olo, Sábadu (23 Maiu 2026), hamutuk ho ninia espoza no ho ninia kompatriota Taur Matan Ruak, liuhusi Aeroportu Internasionál Prezidente Nicolau Lobato, Komoro, Dili, atu halo tratamentu saúde iha Malázia.
Iha Tersa (23 Juñu 2026), tuku 06h35 dadeersan, maktoban saudozu Francisco Guterres Lú Olo noa kadáver ho Aero Dili aterra iha Aeroportu Internasionál Nicolau Lobato, Komoro, Dili, ho kaixaun.
Notísia Relevante: Taur Matan Ruak: “Obrigadu Maun Lú, sira la mesak no ami hotu iha sira-nia sorin”
Kadáver luta-na’in Francisco Guterres Lú Olo ne’e akompaña husi maktoban nia espoza Cidália Lopes Nobre Mouzinho Guterres, oan ki’ak na’in-haat (Francisco Cidalino, Eldino Nobre, Felezito Samora Guterres no Dália Luliana Nobre Guterres) família balun inklui Sekretáriu-Jerál Partidu FRETILIN, Marí Alkatiri.
“Ami na’in-rua ba hamutuk ba ospitál, iha ne’ebá (Malázia), ha’u husu no antes ha’u fila, ha’u despede. Ha’u hateten ba nia katak ami hotu la halo buat ida, ita hamutuk nafatin. Saida de’it mak mai simu, tanba ne’e iha Maromak nia liman. Sinalmente, ha’u despede nia ho hako’ak ikus iha Malázia ne’e, ha’u fó ba nia. Tanba nia ba ona, ita husu obrigadu, destinu hanesan ne’e duni. Ita ne’ebé sei moris forsa nafatin,” Antigu Prezidente Repúblika, Taur Matan Ruak, hateten ba jornalista sira hafoin hatoo sentidu kondolénsia ba familia no oan ki’ak iha maktoban rezidénsia iha Faról, ohin.
Taur refleta katak, loron ida ohin ema hotu mai iha ne’e atu hamutuk hodi husik nia iha fatin ikus, tanba ne’e obrigadu ba ema wa’in ne’ebé mak mai no hato’o sentidu kondolénsia be kle’an ho matan-ween no ho solidariedade be kle’an.
“Iha loron ida-ne’e, ita konsentra para husik nia iha nia fatin ikus. Husu Maromak para fó fatin ho di’ak, horik rohan la’ek. Tanba, ba nia, hotu ona. Maibé, ba ita sei todan. Buat hotu iha ne’e nia la lori lisuk, tutur lisuk, sasin lisuk. Nia, agora rai hela ba ita sira moris ne’e,” nia dehan.
Ba jerasaun foun, Taur hateten, nia fó obrigadu barak ba populasaun tomak iha Dili no iha fatin hotu-hotu ne’ebé husik matan-been ho manifesta solidariedade ne’ebé boot no makaa’as tebes.
“Ha’u husu obrigadu barak. Hanesan ninia komandante, hanesan kompanieru ba luta, ita lakon antigu prezidente priméiru depois Timor ukun-an, ita-nia eis-prezidente nia mate. Maromak tulun família sira tomak, tulun ita hotu,” nia dehan.
Notísia Relevante: Antigu Prezidente Lú Olo nia mate-isin sei simu ho parada militár iha aeroportu Komoro
Jornalista : Felicidade Ximenes
Editór : Cancio Ximenes
