DILI, 03 Jullu 2026 (TATOLI)—Suisa susesu ultrapasa ba jornada 16 Kopa Mundiál 2026 hafoin manán Arjélia ho eskoru 2-0 iha faze eliminasun (jornada 32) ne’ebé realiza iha Estádiu BC Place Vancouver, Vancouver, sesta meiudia oras Timor-Leste nian.
Bainhira jogu hahú, Suisa ho ambisaun hahú jogu ho kontra-atake, maske neineik atu tiru iha inísiu primeira parte. Arjélia domina hikas jogu no dala barak atraza defeza Suisa nian.
Arjélia kria oportunidade dahuluk hafoin de’it minutu neen. Infelizmente, Houssem Aouar nia ramata bola husi kruzamentu ida husi parte liman-loos maibé seidauk kona iha alvu.
Tanba okupadu hodi ataka, Arjélia konsede iha minutu 11. Johan Manzambi nia jogu individuál husi lina loos lori ba Manzambi nia redusaun, ne’ebé Breel Embolo aproveita ba golu ida hodi muda rezultadu 1-0 ba Suisa.
Suisa iha biban hodi aumenta sira-nia vantajen ba 2-0 iha minutu 15 bainhira mosu atake maka’as ida iha área penaltí Arjélia nian. Hafoin ne’e, bola ne’e atravesa husi sorin-loos, maibé Denis Zakaria, ne’ebé simu bola ne’e la konsege konverte oportunidade ne’e.
Suisa domina jogu to’o metade primeira parte. Suta ho distánsia dook husi Ricardo Rodriguez iha minutu 25 hala’o dook husi baliza Zidane nian.
Arjélia nia jogu labele sobu defeza Suisa nian no sira konfuzaun. Suisa sira aproveita situasaun ida-ne’e hodi ataka defeza Arjélia nian liuliu iha flanku loos.
Iha minutu 37, Denis Zakaria nia kabesa husi suta livre liu de’it husi travesa, nune’e labele marka golu.
Arjélia ameasa de’it iha minutu 43. Infelizmente Fares Chaibi nia suta husi área penalidade laran fraku liu no hetan salva ho fasil husi guarda rede Gregor Kobel.
Eskoru mantein 1-0 iha Suisa nia favor to’o jogu primeira parte remata.
La to’o minutu ida iha segunda parte nian, Suisa duplika sira-nia vantajen. Hahú husi la’ós ida, maibé erru rua hosi defeza Arjélia nian, Dan Ndoye kastigu defeza Arjélia nian.
Hafoin simu bola husi apuramentu ne’ebé la loos husi defeza arjentinu ida, Dan Ndoye lansa suta maka’as ida ba kantu loos husi baliza, hodi halo guarda-rede Luca Zidane labele kaer. 2-0 ba Suisa.
Liutiha minutu balun, Arjélia besik atu hatama golu, maibé suta Riyad Mahrez nian husi área penalidade Suisa nia laran hetan blokeiu husi defeza adversáriu.
Iha segunda parte nia klaran, jogu nia ritmu sai neineik liu. Hafoin deskansa hidratasaun nian, Jaouen Hadjam estraga oportunidade ida atu marka golu ba Arjélia iha minutu 77. Hadjem iha pozisaun di’ak atu hasai suta ida ho ain-loos. Maibé, nia suta la loos, hodi haruka bola liu Gregor Kobel nia baliza.
Suisa besik atu hetan vantajen 3-0 iha minutu 81 se Fabian Rieder la lakon nia oportunidade. Oportunidade ne’e mosu hafoin Denis Zakaria halo kruzamentu baixu ida husi sorin-loos.
Breel Embolo, alvu ne’ebé nja hakarak, la konsege liga ho pasajen. Rieder, iha flanku karuk, simu bola ho di’ak. Maski nune’e, Rieder nia suta ho ain-karuk dirije ba guarda rede Luca Zidane duke ba rede mamuk. Rieder nia suta salva husi Zidane.
Laiha golu seluk ne’ebé maka marka to’o jogu ne’e remata. Eskoru mantein 2-0 ba Suisa.
Vitória hasoru Arjélia signifika katak Suisa sei hasoru manan-na’in husi jogu Kolómbia-Ghana iha jornada 16 husi Kopa Mundiál 2026.
Alineasaun Suisa hasoru Arjélia
Suisa:
Gregor Kobel; Manuel Akanji, Nico Elvedi, Ricardo Rodriguez, Denis Zakaria; Dan Ndoye, Granit Xhaka, Johan Manzambi, Remo Freuler; Ruben Vargas, Breel Embolo.
Arjélia:
Luca Zidane; Ramy Bensebaini, Aissa Mandi, Rafik Belghali, Rayan Ait-Nouri; Nabil Bentaleb, Ramiz Zerrouki, Fares Chaibi; Riyad Mahrez, Houssem Aouar, Ibrahim Maza.
Jornalista : Hortêncio Sanchez
Editór : Cancio Ximenes
