IGEADI-MOP sei hasai sedimentasaun iha iha Erkina-Atabae

DILI, 14 Agostu 2026 (TATOLI)—Prezidente Institutu Jestaun Ekipamentu Apoiu Dezenvolvimentu Infraestrutura (IGEADI, sigla portugés), Ana Paula da Cruz, hateten IGEADI halo ona koordenasaun ho Ministériu Obra Públika atu hasai sedimentasaun ne’ebé monu iha estrada nasionál Erkina Atabae, Munisípiu Bobonaru.

“Entaun servisu ne’e sei la fó ba kompañia, maibé IGEADI ho MOP mak sei halo servisu ida-ne’e, tamba traballadór husi MOP nian mak sei atende,” nia hateten ba agência Tatoli iha telefone, ohin.

Nia hateten, dalan ne’e sei iha espasu ba movimentasaun maibé sira sei hasai tiha sedimentasaun ne’e uza eskavatór, servisu ne’ee atraza tanba eskavatór brigada haat nian sei halo normalizasaun iha Ermera.

Aleinde ne’e, nia hatutan katak sira mós sei lori rai-henek no fatuk kerikil atu ba taka tiha estrada kuak sira iha parte Atabae nian.

Tuir planu, nia dehan, iha semana ida-ne’e nia laran sira sei implementa no ida-ne’e sei la envolve mákina pezadu sira.

Jornalista : Alexandra da Costa

Editór        : Cancio Ximenes