VIQUEQUE, 25 jullu 2022 (TATOLI)–Diretór Edukasaun munisípiu Viqueque, Emídio Amaral, orienta ona eskola sira hodi hahú halo preparasaun ba ezame daruak iha loron 08 agostu.
“Ezame daruak sei hahú iha fulan-agostu, nune’e ha’u fó orientasaun eskola sira hosi ensinu báziku no sekundáriu sira halo preparasaun matéria,” Diretór informa ba Agência Tatoli iha ninia knaar fatin, Beloi, segunda ne’e.
Notísia relevante: Eskola sira iha Viqueque hahú ezame primeiru períodu
Preparasaun matéria ba kada eskola sira prepara hosi profesór, ne’ebé halo pontu ezame segundu períodu.
“Ha’u husu ba estudante sira estuda atu hetan valór di’ak,” nia akresenta.
Aleinde ne’e, distribui ona kaderneta eskolár 3.000 ba terseiru siklu ensinu báziku iha, ba eskola hamutuk 21 iha Viqueque.
Jornalista : Vitorino Lopes da Costa
Editora : Julia Chatarina
