DILI, 09 novembru 2022 (TATOLI)–Ministru Finansa (MF), Rui Augusto Gomes, aprezenta projetu dekretu-lei kona-ba pagamentu estraordináriu saláriu adisionál fulan-ida (décimo terceiro/gaji 13) ba ajente administrasaun públiku iha fulan-dezembru.
“Ministru Finansa aprezenta dekretu-lei ne’ebé aprova hosi Konsellu Ministru kona-ba pagamentu estraordináriu hosi saláriu adisionál fulan-ida ba funsionáriu, ajente kontratadu administrasaun públika nian,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu, kuarta ne’e.
Notísia relevante: Governu kontinua polítika anteriór atribui saláriu adisionál ba ajente administrasaun públiku
Saláriu adisionál ne’e ba titulár kargu públiku, membru FALINTIL-Forsa Defeza Timor-Leste (F-FDTL), Polísia Nasionál Timor-Leste (PNTL), no Sistema Nasionál Intelijente no ba eis titulár inklui eis-membru órgaun soberania sira.
Enkuantu, funsionáriu kontratadu estranjeiru sira laiha direitu ba pagamentu estraordináriu ne’e.
Jornalista : Antónia Gusmão
Editora : Julia Chatarina
