COVALIMA, 16 novembru 2022 (TATOLI)–Diretór Programa Nasionál Dezenvolvimentu Suku (PNDS) Covalima, Filipe Cardoso informa, progresu konstrusaun Uma Kbiit Laek (UKL) ho unidade 378 faze daruak iha Covalima atinje ona 10%.
“Konstrusaun UKL unidade 278 ne’e, ita-uza orsamentu tinan fiskal 2022 nia progresu kumulativu jerál atinje ona 10%, tanba konstrusaun balun fui ona aliserse signifika suku 30 iha Covalima hahú halo ona implementasuan konstrusaun UKL unidade 278 ne’e,” Filipe Cardoso relata progresu ne’e ba Agência Tatoli, iha nia kna’ar-fatin, Sukaer Laran, kuarta ne’e.
PNDS iha sistema multi anuál, maske asina kontratu ho kompañia fornesedór sira durante loron 120 balun kumpre no balun lae tanba kestaun kapasidade finanseira, kestiona estoke materiál konstrusaun sosa iha Dili sai dazafiu afeta direita ba iha durasaun tempu ba iha implementasaun.
Ho nune’e, tékniku foti maneira fasilita sira sosa sasán iha Dili bazea ba tékniku administrasun postu, ligadu ho espesifikasaun materiál konstrusaun nian bele komunika direta loja sira iha nasionál hodi fasilita sosa sasán materiál konstrusaun.
Konstrusuan UKL unidade 278 faze daruak iha Covalima utiliza orsamentu jerál estadu tinan fiskal 2022 ho total orsamentu maihosi rubrika fundu infraestrutura ho montante $4.735,452 ho nia progresu implementasaun la’o hela iha postu administrativu hitu (7) no iha suku 30 iha Covalima.
Jornalista : Celestina Teles
Editór : Cancio Ximenes
