COVALIMA, 07 juñu 2023 (TATOLI)–Diretór Munisípal Konservatóriu Rejistu Notariadu Covalima, António Sarmento, hateten Rejistu Notariadu Covalima identifika inan ho labarik barak la prense Livriñu Saúde Inan n o Oan (LISIO) bainhira atu trata Sertidaun RDTL.
“Ami halo atendimentu dokumentu barak hosi inan isin-rua no inan sira ho labarik, maibé presiza atu habelar liutan informasaun, dokumentu inan isin-rua no inan ho labarik sira presiza atu rejistu sira-nia oan. Maibé dala barak ami identifika LISIO inan isin-rua konsulta iha saúde barak mak la prienxe no halo mamuk,” António Sarmento hateten ba Agência Tatoli, iha Bairru Costa, kuarta ne’e.
DFiretóer ne’e husu ba pesoál saúde atu partilla informasaun ba inan isin-rua sira bainhira partu iha sentru saúde presijza atu prense LISIO ne’e.
Tanba, tuir nia, durante ne’e Rejistu Notariadu Covalima halo atendimentu ba inan isin-rua no inan ho labarik, balun prienxe LISIO ne’ebé husi saúde maibé balun la prienxe no balun mós sira-nia oan nia naran hakerek iha LISIO la hanesan iha sertidaun batizmu, nune’e halo konfuzaun.
Maske hasoru difikuldade halo atendimentu hodi trata sidadaun sira-nia dokumentu, bainhira inan isin-rua sira partu iha sentru saúde, pesoál saúde sira presiza atu partilla informasaun ba inan-sira oinsá atu prienxe LISIO nee’e.
Nune’e, nia dehan, bainhira inan isin-rua sira trata sira-nia-oan nia dokumentu labele halo konfuzaun ba funsionáriu Rejistu Notariadu ne’ebé trata dokumentu liuliu sertidaun RDTL ba sidadaun sira.
Entretantu, tuir dadus hahú fulan-janeiru to’o fulan-maiu, sidadaun ne’ebé trata sertidaun moris hamutuk 11,60, sertidaun kazamentu na’in-36, sertidaun óbitu -35 no sertidaun trata rejistu Kriminál hamutuk-852.
Jornalista : Celestina Teles
Editór : Cancio Ximenes
