DILI, 23 juñu 2023 (TATOLI)-Deputadu/a hosi bankada Partidu Libertasaun Populár (PLP) no desizaun hosi partidu rasik hili Maria Angelina Sarmento sai Xefe Bankada PLP iha Parlamentu Nasionál (PN) iha lejislatura daneen ne’e.
Notísia Relevante: Maria Fernanda Lay feto dahuluk lidera lejislatura daneen
“Iha ami-nia enkontru ida ohin, no mós desizaun hosi altu nivél estrutura partidu nian nomea ona Xefe Bankada PLP nian mak ha’u atan rasik,” Deputadu Maria Angelina Sarmento hateten ba jornalista sira iha uma fukun Parlamentu Nasionál, sesta ne’e.
Eis Vise Prezidente Parlamentu Nasionál iha lejislatura dalimak ne’e seidauk bele ko’alia serbisu saida mak sei hala’o ba oin.
“Depois mak ita sei haree tanba agora ne’e pratikamente tama ba semana ida ka rua ne’e, barak liu halai ba oinsá forma komisaun espesializada permanente, oinsá nomea Deputadu sira ba grupu parlamentár sira, ne’ebé haree kestaun sira-ne’ebé mak mais ligadu ho interna Parlamentu Nasionál nian,” nia hateten.
Nia hateten, hafoin ba asuntu Estadu nian bainhira buat sira-ne’e rezolvidu ona mak foin haree kona-ba programa ho Orsamentu Jerál Estadu (OJE) ne’ebé prosesu sei la’o.
Enkuantu, iha loron 22 juñu ne’e Parlamentu Nasionál realiza reuniaun plenária dahuluk ba lejislatura daneen ne’ebé hili ona Prezidente Parlamentu Nasionál foun inklui juramentu ba Deputadu eleitu lejislatura daneen.
Iha reuniaun plenária dahuluk lejislatura daneen bankada maiória parlamentár CNRT ho kadeira 31 no PD kadeira neen (6) ne’ebé ho forsa polítika maiória parlamentár kadeira 37, enkuantu bankada opozisaun FRETILIN kadeira 19, KHUNTO lima (5) no PLP iha kadeira haat (4).
Bankada maiória parlamentár CNRT-PD propoin kandidatu lista úniku Deputada Maria Fernanda Lay hosi bankada CNRT ne’ebé liu-hosi votasaun iha plenária eleitu ho votu a-favór 45, kontra 0, abstensaun 19 no votu branku ida.
Lista Deputadu lejislatura daneen
Deputadu lejislatura daneen hamutuk na’in-65 kompostu hosi CNRT mak hanesan Kay Rala Xanana Gusmão, Francisco Kalbuadi Lay, Maria Terezinha Da Silva Viegas, Duarte Nunes, Aderito Hugo Da Costa, Maria Fernanda Lay, Jose Virgilio Rodrigues Ferreira, Luis Ximenes Caldeira, Maria Rosa Da Camara ‘Bisoi’, Domingos Lopes Lemos, Marcus Xavier, Bendita Moniz Magno, Oscar De Araujo, Firminio Taequi, Veneranda E.M. Lemos Martins, Domingos Da. C. Dos Santos, Rogerio Araujo Mendonça, Virginia Ana Belo, Gabriel Soares, Saul Salvador H.J. Amaral, Maria Gorumali Barreto, Patrocinio Fernandes Dos Reis, Virglio Pereira, Cedelizia Faria Dos Santos, Francisco Da Costa ‘Ikulay’, Albino Da Silva, Carminda Carlota, Ricardo Baptista, Anacleto Freitas, Alianca Da Conceição Araujo e Mateus Da Cruz De Carvalho.
Deputadu FRETILIN mak Mari Bim Amude Alkatiri, Francisco Guterres “Lú-Olo”,Maria Angélica Rangel da Cruz dos Reis, Tito da Costa Cristovão “Lere Anan Timur”, Aniceto Longuinhos Guterres Lopes, Lidia Norberta dos Santos Martins, proposto pelo partido político FRETILIN, Antoninho Bianco, David Dias Ximenes, Helena Martins Belo, Joaquim dos Santos, Antonio Moniz Calau, Maria Anabela Sávio, Nurima Ribeiro Alkatiri, José da Cruz, Cristina Yuri Rebelo Dos S. Costa, Abilio Quintão Pinto, Florentino Ximenes da Costa “Sinarai”, Mariquita Soares e Oscar Lima.
Deputadu PD hanesan Mariano Assanami Sabino Lopes, António da Conceição, Maria Teresa da Silva Gusmão, Alexandrino Afonso Nunes, Julio do Carmo no Sancha Margarida Tilman.
Deptuadu KHUNTO mak Armanda Berta dos Santos, António Verdial de Sousa, António Verdial da S. Ferreira, Olinda Guterres no Luis Roberto da Silva.
Deputadu PLP mak Taur Matan Ruak, Helder Freitas, Maria Angelina Lopes Sarmento no Adolfo Martins.
Substituisaun
Deputadu PLP Taur Matan Ruak, substitui hosi Abel dos Santos, Deputadu FRETILIN na’in-tolu mak substitui hanesan, Tito da Costa Cristovão ‘Lere Anan Timur’ substitui hosi Dário Madeira.
Mari Alkatiri subtitui hosi Antoninho Doutel Sarmento no Francisco Guterres ‘Lú-Olo’, substitui hosi Sancia Florencia.
Deputadu CNRT José Alexandre Kay Rala Xanana Gusmão, substitui hosi Domingos Agostinho.
Jornalista : Nelson de Sousa
Editór : Cancio Ximenes
