OÉ-CUSSE, 30 outubru 2023 (TATOLI – Diretora STAE Oé-Cusse, Luisa da Costa, segunda ne’e fó-sai, kandidatura na’in-sia eleitu absolutamente liuhosi eleisaun orgaun suku, enkuantu suku sia seluk ho kandidatura hamutuk na’in-18 avansa ba eleisaun segunda volta rezultadu votu lato’o 50%+1.
Notísia relevante: Xefe suku Usitaqueno no Cunha kontinua hetan konfiansa iha Eleisaun Órgaun Suku
Diretora STAE Oé-Cusse ne’e informa, sé númeru votus lá to’o, kandidatu xefe aldeia iha loron hanesan kontinua kedas eleisaun ba segunda volta, tanba tuir Lei númeru 9/2016 no dekretu Governu númeru 14/2016, katak hafoin loron 15 kontinua ba eleisaun segunda volta, ba kandidatu xefe suku ne’ebe avansa ba eleisaun segunda volta, sura hosi loron eleisaun 28 outubru sei monu iha loron 13 novembru 2023 ne’e.
“Suku sia (9) avansa ba segunda volta, tenke vota tán dala ida iha kada aldeia iha loron eleisaun 13 novmebru 2023 ne’e, tanba xefe aldeia ho suku atu manán iha eleisaun tenke manán ho votu 50%+1,” Luisa da Costa, hateten iha Oé-Cusse.
Nune’e suku sia ho kandidatura na’in-18 sei kompete iha eleisaun segunda volta maka hanesan, iha sub-rejiaun Nítibe suku Ban-Afi, kandidatura José Lalus kompete ho kandidatura José Seko, suku Lela-Ufe kandidatura José Neno Sila kompete ho kandidatura José Poto.
Iha sub-rejiaun Oésilo suku Usitasa’e kandidatura, Liberato Punef kompete ho kandidatura Tomas Ulan Colo, no iha sub-rejiaun Pante Makasar suku Costa kandidatura, Aleixo Abi kompete ho kandidatura Francisco Colo, suku Lifau kandidatura, Delfino Soares kompete ho kandidatura Raimundo Abi.
Nune’e mós iha suku Naimeko, kandidatura Emanuel Teme kompete ho kandidatura Marcos Liu, suku Nípani kandidatura, Luis Pasquela Meko kompete ho kandidatura Pedro Neno Seu Eko, suku Taiboko kandidatura, Joaquim Tafin kompete ho kandidatura Meteus Naz no iha sub-rejiaun Pássabe maka suku Abani kandidatura, Carlos Elo kompete ho kandidatura Leonardo da Cunha.
Purtantu, suku siira-ne’ebé ona, iha suku sia tanba tanba rezultadu eleisaun kandidatura sira manán ho votu 50%+1, hanesan, iha sub-rejiaun Nítibe, suku Bene-Ufe Marcos Meni, suku Suni-Ufe Cristanto Tamele no suku Usitaku, Hilariu Babu, mesak nu’udar xefe suku atuál mak eleitu fali.
Iha parte suku Bobmeto, José Labi Caet, eleitu nu’udar kandidatura foun troka xefe suku tuan, Yosep Elo, no suku Usitaqueno, Francisco Elo xefe suku atuál.
Iha sub-rejiaun Pante Makasar suku Bobokase kandidatura foun, Tomas Nesi mak eleitu troka xefe xefe tuan Sebastião Cob, suku Cunha Domingos Seko Caunan xefe suku atuál hanesan mós ho suku Lalisuk, eleitu fali mak Hermenegildo Lalisuk, no iha sub-rejiaun Pássabe suku Malelat, José Marques eleitu hikas.
Notísia relevante: Autoridade RAEOA konfia órgaun eleitorál tau matan ba Eleisaun Suku
Jornalista: Abílio Elo Nini
Editór: Evaristo Soares Martins
