BOBONARO, 13 dezembru 2024 (TATOLI) – Ezekusaun Orsamentu Jerál Estadu (OJE) tinan fiskál 2024 husi Autoridade Munisípiu Bobonaro to’o loron 13 fulan dezembru ne’e atinje ona 87% ho montante $6,765,249.74 husi totál alokasaun $9,270,244.00.
Montante orsamentu ne’e fahe ba kategoria lima mak hanesan; saláriu no vensimentu alokasaun $2,011,244.00 gastu ona $1,660,507.59 reprezenta 82,6% no balansu $350,737.
Enkuantu kategoria bens (sasán) no servisu husi totál alokasaun $905,686,00 ne’e konsege gasta ona $803,444.43 reprezenta 93%, obrigasaun $70,693.77, komitmentu $20,02 no balansu $47,527.78.
Kategoria transferénsia públika alokasaun $3,431,928.00 konsege gasta ona $2,651,951.29 reprezenta 77% obrigasaun 0, komitmentu 0 no balansu $779,976.71.
Kategoria kapitál menór totál alokasaun $370,798.00 konsege ezekuta ona $165,075.00 reprezenta 94,9% obrigasaun $192,910.00, komitmentu 0 no balansu $19,113.00.
Husi parte kategoria kapitál dezenvolvimentu alokasaun anuál hamutuk $2,528,287.00 konsege ezekuta ona milaun $1,484,261.43 reprezenta 99%, obrigasaun $1,038,845.36 komitmentu 0 no balansu $5,170,21.
Notísia relevante: OJE 2024: Bobonaro ezekuta ona 74%, ekezusaun kiik liu iha kapitál menór
“Husi totál alokasaun $9,270,244.00 ne’e ezekuta ona $6,765,249.74, obrigasaun $1,302,449.13, komitmentu $20,02, balansu $1,202,525.11, ezekusaun atuál atinje ona 87%,” Ajénsia TATOLI asesu liuhusi portál transparénsia Ministériu Finansa, sesta ne’e.
Enkuantu alokasaun orsamentu ba autoridade munisípiu Bobonaro tinan 2024 ne’e finansia ba programa 12, sub-programa 29 no atividade 63.
Notísia relevante: OJE 2025 ba Bobonaro la sufisiente atu responde preokupasaun iha baze
Jornalista: Sérgio da Cruz
Editór: Evaristo Soares Martins
