VIKEKE, 26 Abríl 2026 (TATOLI)—Sarani sira iha postu administrativu Uatulari, munisípiu Vikeke, sábadu ne’e, hatudu sira-nia domin hodi sunu lilin no kari ai-funan hodi hato’o omenajen ikus ba Papa Francisco, liuhusi patisipa misa funerál ne’ebé realiza iha Igreja Nossa Senhora do Rosário de Fátima Uatulari.
Notísia Relevante: Sarani sira hatudu domin ba Papa Francisco hodi hakonu hikas Tasi-Tolu
Vigáriu parokia Nosa Senora de Fatima Uatulari, Pe. Cimpiliu Bau Mali, SVD, hateten Papa Francisco mak apostóliku ne’ebé Jesus fihir no hili nia ba igreja universál liuhusi misa santa me’ebé durante servi katóliku iha mundu tomak.
“Ohin omenajen ikus ba Papa Francisco no misa ikus ba páskua nian. Tan ne’e, liuhusi ita-nia orasaun ba Papa Francisco, atu hetan ksolok rohan la’ek nian,” Pe. Cimpiliu Bau Mali, SVD, hateten iha nia omilia ba sarani sira.
Papa Francisco ba mundu tomak hodi haklaken fiar ba ema hotu tanba Amu-Papa rasik fiar ba na’i nia laran luhak ne’ebé nafatin Papa uza hanesan Papa Francisco nia lema Papal no apaostoliku nian.
Jesus fiar nia (Papa Francisco) misarekordia, Amu-Papa ba mundu tomak iha vida saserdotál, Papa ba mundu tomak ho haraik aan, hadomi maluk sira, Papa laran luak ba ema hotu no ba ema ki’ak sira.
“Papa Francisco simu apostuliku iha tinan 2013, asume kna’ar nu’udar Papa durante tinan 12 nia laran, nia hadomi povu tomak iha mundu, ne’ebé husik hela ba ita kona-ba espiritualidade, dutrina no dokumentu apostoliku nian,” nia dehan.
Konsellu pastoral Parokia Igreja Nossa Sengora do Rosário de Fátima, Flavio Joaquim, sente triste lakon bibi-atan di’ak Papa Francisco ba nivél mundiál no espesiál ba Timor Leste.
“Ita lakon ita-nia bibi atan di’ak. Nune’e atividade kari ai-funan no sunu lilin hodi hatudu sentidu omenajen ikus ba papa Francisco. Maske Papa Francisco la hamutuk ona ho ita, maibé espirituálmentu Papa Francisco harohan ba ita no fiar katak Papa Francisco sei hamutuk ho ita,” nia hateten.
Nia relata, hahú sarani párokia rona papa Francisco hakotu iis, sarani sira iha parokia Uatulari halo adorasaun durante semana ida iha igreja hodi fó onra no gloria ba Papa Francisco.
Hafoin misa ramata, amu selebrante kontinua fó bensaun ba ai-funan no lilin, hodi kontinua halo prosisaun hodi lori ai-funan no lilin bá kari iha kruz boot foho Kalvariu Uatulari.
Notísia Relevante: Kardeál Giovanni Batista Re prezide misa funerál Papa Francisco iha Roma
Jornalista : Vitorino Lopes da Costa
Editór : Cancio Ximenes
