KOVALIMA, 12 Maiu 2025 (TATOLI) – Sentru solidariedade sosiál no inkluzasaun sosiál Kovalima, daudaun ne’e submete ona pedidu ba Ministériu Solidariedade Sosiál no Inkluzaun (MSSI) atu transporta foos hodi fó apoiu ai-han ba família vulneravel.
“Ita submete ona pedidu ba Ministériu Solidariedade Sosiál no Inkluzaun (MSSI) atu transporta foos hodi fó apoiu ba família vulneravel ne’ebé mak presiza fó apoiu bazeia ba pedidu ne’ebé hato’o husi lideransa lokal sira”, Diretór sentru solidariedade no inkluzaun Kovalima, Agapito Cardoso Assis relata ba TATOLI, iha Kampung Baru, ohin.
Dirijente ne’e dehan, bazeia ba pedidu ne’ebé mak Sentru solidariedade Kovalima submete nune’e CSSI nafatin halo koodenasaun ho MSSI atu transporta foos hodi oferese ba família sira ne’e.
“Pedidu ne’ebé mak ita-nia lideransa komunitária sira hato’o, ita kontinua submete ba MSSI atu prepara transporta foos nune’e hodi fó apoiu ba família vulneravél sira”, nia dehan.
CSSI Kovalima submete pedidu hahú Fevereiru to’o ohin loron. benefisiáriu ne’ebé mak submete pedidu nune’e MSSI atu transporta foos atu halo distribuisaun ba família vulneravel sira ne’ebé mak presiza apoia.
Pedidu ne’ebé CSSI sumbete bazeia ba lista benefisiáriu na’in hira ba MSSI nasionál, nia parte la lembra dadus maibé MSSI mak sukat rekursu ai-han atu fó apoiu ba benefisiariu sira.
CSSI durante fó apoiu ba instituisaun sira hanesan Uma Mahon Salele, Kolejiu Canosiana, Orfonatu Maucatar, Dormitóriu Mãe Misericórdia Koléjiu Canosiana Fohorem no seluktan.
Jornalista:Celestina Teles
Editór: Rafael Ximenes de A. Belo
