BAUKAU, 16 Juñu 2025 (TATOLI)—Joven feto ho inisiál EFP (18) lakon vida tanba suspeitada tara-aan iha Suku Larisula, Postu Administrativu Baguia, Munisípiu Baukau.
Kazu referidu akontese tanba tuir informasaun katak vítima la sastifás ho kondisaun moras epilepsi, nune’e iha loron-10 fulan Juñu ne’e, deside tara-aan iha ninia rezidénsia, Suku Larisula.
“Polísia sira to’o kedas fatin akontesimentu, ko’alia ho família atu lori bá autópsia, maibé família lakohi tanba vítima rasik mak oho aan relasiona ho moras ne’ebé enfrentada,” Komandante Polísia Nasionál Timor-Leste (PNTL) Munisípiu Baukau, Superintendente João Sancho Pires hateten iha ninia kna’ar fatin, Vila Nova, Baukau, segunda ne’e.
Superintendente Pires informa katak kazu referidu PNTL rejista no hein prosesu iha Ministériu Públiku (MP) maski família la aseita hodi submete mate-isin ba prosesu autópsia.
Jornalista: Natalino Belo
Editór: Xisto Freitas da Piedade
