DILI, 21 Novembru 2025 (TATOLI)-Institutu Nasionál Dezenvolvimentu Mão-de-Obra (INDIMO, sigla portugés) rejista sistema ne’ebé hetan lisensiamentu ba operasionál hamutuk 70, ne’ebé kompostu husi akreditasaun 45, atrubuisaun kontribui hamutuk 25.
Ministru Koordenadór Asuntu Ekonómiku, Francisco Kalbuadi Lay, hateten INDIMO iha ninia funsaun atu dezenvolve padraun abilidade, sertifika, kualifikasaun no preparasaun forsa traballu, nune’e sira rejistu sistema hamutuk 70 ne’ebé mak hetan ona lisensiamentu ba operasionál, kompostu husi akreditasaun 45 no atrubisaun kontribui hamutuk 25.
“Kona-ba sertifikasaun ba kontribuisaun ba tinan 2025 ita rejista hamutuk 1025, nune’e iha tinan 2023 to’o 2025 totál hamutuk 13044 ne’ebé inklui husi F-FDTL, PNTL, funsionáriu públiku, dosente, profesór eskola téknika vokasionál, ONG no estudante regulár sira,” Ministru ne’e informa iha PN, ohin.
Nia informa, servisu skill week ne’ebé durante ne’e INDIMO hala’o mak forum indústriál konsulta padraun kompetisaun sira iha setór oioin, lansa Timor-Leste nu’udar uma-na’in iha 100 jenerál asembleia world ASEA iha Manila (Filipina) no iha tinan 2026 TL sei sai uma-na’in ba iha country 26 world asembleia ASEAN.
Aleinde ne’e, iha debate espesialidade Orsamentu Jerál Estadu (OJE) ba Institutu Nasionál Dezenvolvimentu Mão-de-Obra (INDIMO, sigla portugés) montante $872.581 iha espesialidade ho votu afavór 42, kontra 0 no abstensaun 22.
Orsamentu ne’e aloka ba saláriu vensimentu $399.616 no bens servisu $472.965.
Iha livru OJE 2026 nian, INDIMO iha programa funsionamentu dezenvolvimentu institusionál ne’e prevee $396.126 no investimentu diversifikasaun ekonómika prevee $476.455, ho ninia sub-programa ualu (8) hodi prevee osan hamutuk $872.581.
Jornalista : Alexandra da Costa
Editór : Cancio Ximenes
