DILI, 27 Novembru 2025 (TATOLI)-Prezidente Parlamentu Nasionál, Maria Fernanda Lay, submete ona proposta Lei Orsamentu Jerál Estadu (OJE) 2026 ba Prezidente Repúblika, José Ramos Horta, iha Palásiu Prezidensiál Bairru Pite, ohin.
Aprezentasaun proposta lei ne’e halo tanba Xefe Estadu mak iha kompeténsia eskluziva atu halo promulgasaun.
Hafoin entrega proposta, Pezidente Parlamentu lahalo entervista ho mídia sira hodi relata sobre asuntu ne’e.
Lembra katak, iha 21 Novembru, Parlamentu Nasionál liuhusi reuniaun plenária estraordinária, aprova proposta OJE tinan fiskál 2026 ho montante $2.214.689,195 iha finál globál ho votu a favór 42, kontra 0 no abstensaun 23 husi FRETILIN no PLP.
Orsamentu ne’e aloka ba saláriu no vensimentu $476.870.249, bens no serbisu korrente $447.904.446, transferénsia públiku $820.710.160, kapitál menór $32.556,96, no kapitál dezenvolvimentu $436.647.379.
Notísia relevante: https://tatoli.tl/2025/11/25/redasaun-final-ba-proposta-lei-oje-2026-aprovadu-sei-haruka-ba-pr/
Jornalista: Nelson de Sousa
Editora: Maria Auxiliadora
