DILI, 07 Janeiru 2026 (TATOLI)-Governu liuhusi desizaun koletiva iha reuniaun Konsellu Ministru halo aprovasaun ba proposta ne’ebé aprezenta husi Ministra Solidariedade Sosiál no Inkluzaun, Verónica das Dores, kona-ba ezonerasaun Arlindo Pinto husi kargu Prezidente Konsellu Administrasaun Institutu Nasionál Seguransa Sosiál (INSS) no Fundu Rezerva INSS.
Notísia Relevante: Prezidente INSS sei foku ba prioridade haat durante mandatu
Governu nomeia fali Solange de Fátima Borges hanesan vogál ein-ezersísiu, ne’ebé sei hala’o knaar Prezidente Konsellu Administrasaun ho tempu temporáriu, hodi garante kontinuidade húsi servisu públiku
Entretantu husi rezolusaun Governu ne’e sei determina mós katak, to’o nomeasaun no tomada-de-pose husi Prezidente foun Konsellu Administrasaun Institutu Nasionál Seguransa Sosiál nian.
Antes ne’e, Kuarta (17 Janeiru 2024), Governu liuhusi reuniaun ordinária Konsellu Ministru (KM) aprova projetu rezolusaun Governu ne’ebé aprezenta husi Vise-Ministra Solidariedade Sosiál no Inkluzaun, Céu Brites, kona-ba nomeisaun Arlindo Pinto ka kargu Prezidente Konsellu Administrasaun Institutu Nasionál Seguransa Sosiál.
“Projetu rezolusaun ne’e ba nomeasaun Arlindo Pinto ba kargu Prezidente Konsellu Administrasaun Institutu Nasionál Seguransa Sosiál, nune’e mós hanesan Prezidente Konsellu Fundu Rezerva Seguransa Sosiál, ba mandatu tinan-tolu,” Ministru Prezidénsia Konsellu Ministru, Agio Pereira, relata hafoin reuniaun ezekutivu, iha Palásiu Governu.
Governu deside Arlindo Pinto lidera INSS tanba konsidera pesoál ne’e iha reputasaun di’ak no durante ninia karreira profisionál, hala’o ona knaar ne’ebé halo nia iha koñesimentu, formasaun téknika no esperiénsia kualifikada ne’ebé hatudu kapasidade diresaun no hatudu ninia adekuasaun perfil hodi dezempeña kargu ida-ne’e.
Notísia Relevante : Governu ezonera Longuinhos Armando hosi kargu Prezidente INSS
Antes ne’e, iha segunda (15/01), Governu liuhosi reuniaun Konsellu Ministru estraordináriu, deside hodi ezonera Longuinhos Armando hosi kargu Prezidente Konsellu Administrasaun INSS, ne’ebé ninia mandatu loloos termina iha tinan 2025.
Jornalista : Alexandra da Costa
Editór : Cancio Ximenes
