DILI, 06 Marsu 2026 (TATOLI)—Ministru Juventude Desportu Arte no Kultura, Nelyo Isaac Sarmento, hateten Governu konsidera prezensa Prezidente Federasaun Internasionál Futeból Asosiasaun (FIFA), Gianni Infantino, iha Timor-Leste sei fó oportunidade ba FFTL
Nia hatutan, bainhira prezidente FIFA mai Timor ne’e Timor-Leste tenke hato’o agardesementu tanba tanba bele ajuda Federasaun Futeból Timor-Leste katak iha hanoin ruma ne’ebé nia hakarak atu dezenvolve futebolizmu.
“Maske husi MJDAK seidauk hetan informasaun ruma husi parte FFTL kona-ba prezensa Prezidente FIFA iha Timor,” Ministru ne’e hateten ba jornalista sira iha Ministériu Finansa, ohin.
Nia hatutan, FIFA ne’e fó anuál subsídiu ba FFTL, entaun ho nia prezensa bele hadi’a kondisaun ka fasilidade ruma ne’ebé relasaun ho atividade futeból ne’ebé presiza atu atualiza ba FIFA.
“Se Prezidente FIFA mai hakarak fó oportunidade ko’alia ho Governu, entaun Governu bele oferese rai atu konstrui estadiun ida, entaun ita agradese,” nia dehan.
Nune’e, nia hateten, prezensa ida-ne’e seidauk hatene loloos ninia serteza kona-ba estádiun MJDAK seidauk hatene no seidauk iha ajenda ba programa ida-ne’e, tanba ne’e kompeténsia husi FFTL.
Enkuantu, antes ne’e iha loron 08 fulan-Fevereiru ne’e, iha enkontru entre Federasaun Futeból Timor-Leste (FFTL) hamutuk ho Delegasaun Federasaun Internasionál Futeból Asosiasaun (FIFA) no Asian Football Federation (AFF) konvoka enkontru ho Prezidente Repúblika, José Ramos Horta, iha Palásiu Governu, Prezidente FFTL, Nilton Gusmão, informa katak Prezidente FIFA, Gianni Infantino sei mai vizita Timor-Leste iha tinan ida-ne’e, loron tentativa iha fulan-Agostu nia laran.
Jornalista : Alexandra da Costa
Editór : Cancio Ximenes
