DILI, 14 Abríl 2026 (TATOLI)—Ministériu Obra Públika liuhusi Unidade Inspesaun Verifikasaun ba Pagamentu (UIVP), Aleixo Amaral do Carmo, informa ekipa tékniku tékniku Ministériu Obra Públika (MOP) destakadu iha Munisípiu Ermera hamutuk ho komunidade normaliza ona estrada ne’ebé aat iha diresaun Ermera Vila ba Hatulia B.
“Projetu dalan ne’e (grand) ka apoiu husi banku ADB iha Governu anteriór nian, la’ós foin konstrui mak aat fali. Entaun, ami hadi’a de’it mak estrada ne’ebé aat ne’e,” Koordenadór ne’e informa ba Agência Tatoli liuhusi telefónika, ohin.
Maibé, nia dehan, ekipa tékniku hamutuk ho komunidade referida normaliza ona kuaze nia naruk metru 17,5, nia luan metru rua (2), ninia existing (dalan tuan) hela metru 1,40 no daudaun ne’e komunidade kontinua kedas halo movimentasaun ba mai.
“Dalan ne’e aat tanba impaktu husi klimátiku udan, hodi halo rai halai. Hanesan ita hatene katak agora tempu udan ho intensidade forte no rai mós mamar, ne’e mak halo estrada sorin monu tiha,” nia esplika.
Jornalista : Alexandra da Costa
Editór : Cancio Ximenes
