Kovalima, 23 Juñu 2026 (TATOLI) – Reprezentante Prezidente Autoridade Munisípiu Kovalima, Albeto Moniz de Araújo apela ba komunidade- sira atu hakmatek durante periódu lutu nasionál hodi fó omenajen ba saudozu antigu Prezidente-Repúblika, Francisco Guterres Lú Olo ne’ebé mak hakotu ona nia pregrinasaun moris iha Malázia ne’ebé nia no kadavér to’o ona iha Timor-Leste (TL).
“Durante periódu lutu nasionál ita hatene iha kopa mundiál, ita bele akompaña kopa mundial, maibé nafatin hatudu ita-nia sentidu kondolénsia ba saudozu Francisco Guterres Lú Olo liuhusi hotu-hotu hakmatek hodi kumpre desizaun ne’ebé hasai husi Konsellu Ministru orienta ba iha territóriu Timor atu hakmatek hodi fó respeitu no omenajen ba aman lutadór Lú-Olo”, Apela autoridade ne’e iha salaun EGP Suai,ohin
Ho Suadozu Eis Prezidente nia mate, hanesan Autoridade Kovalima sente triste, tanba lakon aman no líder ba nasaun ida ne’e no saudozu nia kontribuisaun ba luta libertasaun pátria no apoia makaas ba liberta povu.
Bazeia ba desizaun husi Konsellu Ministru (KM) Timor-Leste sei halo lutu nasionál hahú 23 Juñu ne’ebé sei termina iha loron 28 Juñu ne’e.
“Povu Kovalima mós sente triste no lakon aman di’ak Timor-Leste nian,” katak.
Jornalista: Celestina Teles
Editór: Florencio Miranda Ximenes
